Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 90

प्रबन्ध-चतुष्टय
८३
'भो ! मग्गेसु समीहियं ।' मल्लो भणइ - 'देसु नयचक्क - पोत्थयं ।' देवी वि 'निष्प (? प्फ) विही तुहावहारिय-सिलोगो चिय पुव्वाओ सविसेसो नयचक्क - गंथो ।' त्ति वोत्तुं जाणाविडं च तमत्थं संघस्स गया स- - द्वाणं ।
मल्ल-चेल्लओ वि तहेव विरइय- नयचक्क - गंथो पवेसिओ वलहीए । संघेणाणाविओ जिणाणंदसूरी । तेणावि जमत्थि पुव्वगयं तं वायाविऊणाजियजसजक्खेहिं सह मल्ल निवेसिओ सूरि-पए । जायाइ तिण्णि वि ते वाइणो | नवरं विरइओ अजियजसेण निओ पमाण- गंथो वि, अजियजसो वाई नाम पसिद्धो ।
नाउं च दरिसण - मालिन्न - मूलं गुरु- परिभवं भरुयच्छे गओ मल्लवाई | पण्णविओ राया । सद्दावियओ अणेण बुद्धाणंदो सव्वट्टिया (? सच्चविया) पुव्वपइण्णा, तओ भणियव्वेहिं 'को जंपिहि पढमं ?' बुद्धाणंदो भणइ - 'जित्तो जग्गुरु (? जस्स गुरु) तस्सीसेणिमिणा बालप्पएणं मे का गणणा ? ता दिण्णो मए एस्सेव वरायस्स अग्गे वाओ ।'
तओ अणुण्णाएणं थेर - पुरिसेहि, बहुविह-पडिवियप्पाउल - सुवण्णसियमविच्छिन्न-वाणीए मल्लवाइणा [भणियं ] जा छद्दिणाणि सत्तम - दिणंते 'पदूसेउ तावेत्तियमणुवएउं बुद्धाणंदो' त्ति वोतुं वच्वंति स द्वाणं रायाईया ।
बुद्धाणंदो वि गओ निय- विहरियाए संभालेंतो य मल्लवाइ- भणियमणुवायत्थं वि भुल्लो तव्वियप्पाडवीए । ते उ संबु (? खु) द्धो हियएण से दीवो (?) पविसिऊणोवरिगं टिप्पेइ भित्तीए तव्वियप्पमालं, तहा वि न सुमरेइ । तओ कहमणुवइस्सं ति लुम्पिएणं (?) तत्थेव मओ बुद्धाणंदो ।
मिलुप्पिए (? मिलिए) य रण्णो [ स ] भाजणे रत्ना नागओ बुद्धाणंदो ति विसज्जिया तग्गवेसगा पुरिसा । ते वि गंतुणागया भांति - 'देव ! उस्सूर - सुत्तो नज्जइ न विबुज्झइ बुद्धाणंदो त्ति साहियं तप्परिवारेणं ।' रण्णा वि 'अहो ! न कोसलिया से दीहा निद्दा । ता सम्मं नाऊणागच्छह ।' त्ति वोत्तुं पुणो पट्ठविया पुरिसा । तेहिं वि गंतुं फाडाविय कवाडेहिं दिट्ठो उव्वरिगा - मज्झे मओ बुद्धाणंदो । तं च साहियं रन्नो ।
एत्थंतरम्मि य मुक्का गयणत्थाहिं मल्लवाइस्सोवरि सासण - देवयाहिं कुसुमवुट्ठ, साहिओ य रायाईणं जहा - वट्टिओ बुद्धाणंद-वुत्तंतो। तो ते उच नाउं पराजियं ति नीसारिउ-कामो वि बुद्ध - दरिसणं राया निवारिओ मल्लवाइणा ।