Book Title: Prabandh Chatushtay Author(s): Ramniklal M Shah Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi AhmedabadPage 88
________________ ८१ सयं पुच्छिओ । दरिसण- पहावणमिच्छंतो सिद्धसेणो भणइ - ' धम्मिओ हं' । राया भणइ 'जइ एवं ता किं न थुणसि कुडंगेसरं ?' सिद्धसेणो भणइ - 'न सहइ खु ममेसो थुई। राया भणइ - 'कहं नज्जइ ?' सिद्धसेणो भणइ - 'पच्चामि ।' राया भणइ - 'कया ?' सिद्धसेणो भणइ - 'कल्लं ' । नाउं चेमं बीय-दिणे मिलिओ कुडंगेसरपुरओ सपुरजणवओ रायाइ - लोओ । तम्मज्झोवविट्टेण य सिद्धसेणेण पारद्धा बत्तीसियाई जिण - थुई । एत्थंतरम्मि य दिण्णोवओगो धरणिंदो दरिसण - कज्जं ति तत्थागओ तुरियं । दंसिया य तेण कुडंगेसर - सीसाओ नीसरंती पाससामि पडिमा । कमंकमेण य बत्तीसइम-बत्तीसियाए समं तीए पडिपुण्णं । तं च दवण विम्हिओ रायाइ - लोओ । तओ सिद्धसेणो भणइ - 'महाराय ! मह त्थुइसहो एसो सो देवाहिदेवो'। दट्टु च तहाइसयं संबुद्धा बहवे पाणिणो । प्रबन्ध-चतुष्टय धरणिंद - विन्नविएण य संघेण य पवेसिओ सहरिसमुज्जेणीए सिद्धसेणो । पइट्टिओ य तप्पभिइ सो संघेण 'दिवायरो' त्ति । जओ पुव्वगयं वायगो वि जो विसेसेण सासणुज्जोयगो सो दिवायरो नाम । विज्जंति य ताव संपयं पि बत्तीसियाओ, जासिं पहावओ कुडंगेसर-सीसुट्ठिय- पाससामि-पडिमा धंसिज्जंती वि पच्चणीय-जणेणऽज्ज वि दीसए पुणो पुणो समुल्लिहंती । एवं च मिच्छदिट्ठिदप्पदलणो विहरिओ सिद्धसेण - दिवायरो गओ देवलोगं । तओ विष्फुरियासेसं... गज्जंति नूणमत्थंगओ Jain Education International संपयं दक्खिणावहे 1 11 वाइ-खज्जोया वाई सिद्धसेण दिवायरो ॥ सिद्धसेण-दिवायरो त्ति गयं ॥ २. मल्लवादिसूरिकथा - मलवाय(इ) - कहा भण्णइ भरुयच्छे जिणाणंदो नाम सूरी । तहा तत्थेव बुद्धाणंदो नाम वाई । तेण य 'जो वाए पहारिस्सइ तद्दरिसणेणेह न चिट्ठियव्वं' ति पइण्णाए दिण्णो जिणाणंदसूरिणा सह वाओ । तहा- भवियव्वयाए पहारियं सूरिणा । तओ सो नीसरिओ संघेण समं भरुयच्छाओ, गंतुं ठिओ वलहिपुरीए । For Private & Personal Use Only www.jainelibrary.orgPage Navigation
1 ... 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114
