Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 87

परिशिष्ट-१ आ. भद्रेश्वरसूरि-कृत 'कहावली' ना त्रण प्रबंधो(१. सिद्धसेनसूरिकथा २. मल्लवादिसूरिकथा अने ३. पादलिप्तसूरिकथा)
१. सिद्धसेनसूरिकथा सिद्धसेण-दिवायर-कहा भण्णइ -
उज्जेणीए नयरीए महावाई महाकवी य सिद्धसेणो नाम साहू । सो य कयाइ जंतो बाहिं दिट्ठो विक्कमाइच्चराएणं चिंतिउं च न जाणामि इमेसि केरिसो आसीवाउत्ति कओ से दिट्ठि-पणामो । लक्खिउं च तब्भावमुब्भविय-हत्थेण सिद्धसे[णे]ण दिट्ठो(नो) महा-सद्देण धम्मलाभो। राएण छइलत्तणावज्जिएणं दव्वाविया से दव्व-कोडी । भणियं च करावि (? कवि)-राय-पारिग्गहिएण विक्कमाइच्चस्स वाय-पट्टिईए (?पट्टए)
धम्मलाभो त्ति वुत्तम्मि दूरादुस्सिय-पाणिणो । साहुणो सिद्धसेणस्स देहो (? देइ) कोडिं निवाहिवो ॥
निवेइया य सा राय-दिण्णा दव्व-कोडी सिद्धसेणेणं गुरुस्स, तेणावि संघस्स । संघेणावि कओ तीए साहारण-समुग्गओ ।
लज्जंतो य "पाययं जिण-सासणं" ति लोउत्तीए सिद्धसेणो विण्णवइ संघ'जइ भणह तो करेमि सक्कयं पि सिद्धतं ।' संघो भणइ-'चिंतिएणावि इमेण पायच्छित्तं, किं पुण जंपिएण ? ता धरसु तुमं पायच्छित्तं जम्मि पव्वज्जिऊण अव्वत्त-लिंगं सुण्णाराम-देउलाइं बारस-वरिसाणि जाव विचित्तं तवोकम्मं तं पारंचियं नाम ।' भणियं च -
आलोयण-पडिक्कमणे मीस-विवेगे तहा विउस्सग्गे । तव-छेय-मूल-अणवट्ठिए य पारंचिए चेव ॥
वोच्छिण्णं च तया दढ-संहणणाभावओ पारंचियं । तहावि मा अण्णो वि को एवं ववसउ त्ति भयजणणत्थमणुण्णाओ संघेण सिद्धसेणो ।
सो य बाहिमुज्जेणीए कुडंगेसर-देउलत्थो पारंचियसेवी इव जयंतो पुच्छिज्जइ जणेण वय-विसेसं । परं न किंचि साहइ । तओ कहियं स्नो । तेणावि तत्थागम्म