Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 70

६३
प्रबन्ध - चतुष्टय कत्थ मुणीणं 'ताणं उवविसणं दुविह-सुद्धेसु । कत्थ इमं कोमल-गद्दियासु अट्टज्झाण-[85-A]अविसुद्धं ॥६७३ ॥ कत्थ सया दसविह-चक्कवाल-आयार-पालणं ताणं । कत्थ य सावेक्खाणं' तारिसं राय अम्हाणं
॥६७४॥ किं बहणा ते चेव य हवंति नरनाह साहुणो धन्ना । जे लोय-निरावेक्खा कुणंति धम्मं निरासंसा
॥६७५ ॥ तुम्हऽवरोहा सव्वं नरनाह इत्थ आयरियं । अम्हेहिं तह वि हु तुज्झ नेय जाया जिणे भत्ती ॥६७६ ॥ हसिऊण तओ भणियं नरवइणा जइ भणेह तुम्ह पुरो । नीरं वहेमि कुंभेण नेय उज्झेमि निय-धम्मं ॥६७७ ॥ जम्हा बहु-पुरिस-परंपरा[85-B]ए अम्हाण आगओ एसो । किंचाहं छदसण-समय-विऊ ता किमन्नेहिं
॥६७८ ॥ पडिबोहिउं सक्को मंदमई जे उ हलहराईया । ते तुम्हाणं पडिबोहणाए जोग्गा इहं किंच
॥६७९ ॥ कत्तिय-मेत्ता विउसा ठविया निय-दंसणम्मि मे कहह । इय भणिए वयइ पहू भण नरवइ तं पमोत्तूणं ॥६८० ॥ अन्ने जे निय-धम्मे ठवेमि इह जंपिए भणइ राया । वप्पइरायं बोहसु जेण महं होइ संवित्ती
॥६८१ ॥ पहुणा तो संलवियं कह नज्जइ सो विबोहिओ संतो ।। जा86-A]म्हा सो महुराए वराहसामिस्स देवहरे ॥६८२ ॥ ठविऊणं 'निय-तणयं रज्जे परलोय-कंखिओ ऽणसणे थक्को । तो कह नज्जइ पडिबोहो तस्स विउसस्स
॥६८३॥ १. नाणं २. ० क्खाण ३. ० वरोहो ४. उज्जेमि ५. नियंत.