________________
૯૮
પાંડવ ચરિત્રમ્
સર્ગ - ૫ કરનારા અનેક મહોત્સવો લોકોએ કર્યા. ત્યારે યુધિષ્ઠિરના ઘરના દરવાજામાં રાજાઓની અનેક ભેટોએ પ્રવેશ કર્યો. પછી અભિષેકના અંતે યુધિષ્ઠિરને સિંહાસન ઉપર બેસાડીને શણગારનારાઓએ વિવિધ શણગારો વડે શણગાર્યા.
યથા- તેના મસ્તક ઉપર ભ્રમરના સમૂહ જેવા કાળા વાળને માલતીની માળા યુક્ત કરીને મુગટ મૂક્યો અને પછી તે રાજાના ચંદ્રમંડલ સરીખા નિર્મલ કુંડલો કાન ઉપર પહેરાવીને હૃદય ઉપર હારને પહેરાવ્યો. એ પ્રમાણે અર્ધહાર, એક સરવાળો હાર, કનકાવલી, બાહુ ઉપર કડા, વીંટી, કંદોરો વગેરે પહેરાવીને દિવ્ય દેવદુષ્ય વસ્ત્રયુગલ પહેરાવીને દિવ્ય ચંદનનો લેપ કર્યો. આ પ્રમાણે શણગારનારાઓ વડે યુધિષ્ઠિર સકલ રાજ મંડલીથી સેવાતા ચરણવાળા સભામાં આવવાના અવસરને જાણીને અર્જુનના આદેશથી મણિચૂડ વિદ્યાધરે તેજ વેળાએ નિર્મિત સ્ફટિક રતથી બનાવેલી, મણિરતોથી જડેલી, નીલ માણેકના તેજથી શોભિત ભૂતલવાળી વિવિધ પ્રકારના રતના સ્તંભની શ્રેણી ઉપર અનેક પ્રકારની શોભાવાળી, પૂતળીવાળી અને સુવર્ણના શિખરવાળી મણિરતયુક્ત સભામાં બેઠો.
જેમાં સ્તંભમાં મૂકેલી પૂતળીઓ જોઈને નવા નવા આવતા લોકો નવી નવી વિલાસવાળી ગણિકાની તુલના કરતા હતા. તે નવા રાજા યુધિષ્ઠિર તે સભામાં છત્ર-ચામરયુત ઊંચા સિંહાસન પર બેઠેલા સૌધર્મ સભામાં ઇન્દ્રના જેવા શોભતા હતા અને નગરના લોકો અને પ્રધાન સામંત તે રાજાની પાસે ભેટો લઈને આવી ઉભા રહ્યા. તે યુધિષ્ઠિરે ભાઈની પ્રીતિથી તથા ગુરુના કહેવાથી દુર્યોધનનો ઇન્દ્રપ્રસ્થના રાજ્ય પર તે જ વખતે અભિષેક કર્યો અને અન્ય બંધુઓને અને ધૃતરાષ્ટ્રના પુત્રોને રાજા યુધિષ્ઠિરે યથાયોગ્ય જુદા જુદા દેશોને આપ્યા. એ પ્રમાણે યુધિષ્ઠિર રાજ્યાભિષેક મહોત્સવ કરીને કૃષ્ણ આદિ સર્વ રાજાઓ, હાથી, ઘોડા, રથાદિ થકી સત્કાર કરાયેલા પોતાના સ્થાને ગયા.
આ પ્રમાણે શ્રીમત્તપાગચ્છ ભટ્ટારક શ્રી હીરસૂરિ પટ્ટાલંકાર ભટ્ટારક શ્રી વિજયસેનસૂરિ રાજ્ય પંડિત શ્રી દેવવિજય ગણિએ રચેલ ગદ્યબધ સુંદર શ્રી પાણ્ડવ ચરિત્ર પાર્થ (અર્જુન) તીર્થયાત્રા યુધિષ્ઠિર રાજ્યાભિષેક વર્ણન નામનો પાંચમો સર્ગ પૂર્ણ.
Jain Education International
For Personal & Private Use Only
www.jainelibrary.org
