________________
१६६
णायाधम्मकहंगसुत्ते पढमे सुयक्खंधे [सू० ७२तते णं ते सुवण्णगारा कुंभएणं [रण्णा] निव्विसया आणत्ता समाणा जेणेव संयाति २ गिहातिं तेणेव उवागच्छंति, २ सभंडमत्तोवगरणमायाए मिहिलाए रायहाणीए मज्झंमज्झेणं निक्खमंति, [२] विदेहस्स जणवयस्स मज्झमज्झेणं जेणेव कासी जणवए जेणेव वाणारसी नयरी तेणेव उवागच्छंति, २त्ता अग्गुजाणंसि सगडीसागडं मोएंति, २त्ता महत्थं जाव पाहुडं गेण्हंति, २त्ता वाणारसीए नयरीए मज्झंमज्झेणं जेणेव संखे कासीराया तेणेव उवागच्छंति, २ ता करयलप[रिग्गहियं दसणहं सिरसावत्तं मत्थए अंजलिं कटु] जाव बद्धाति, २ ता [एवं वयासी-] अम्हे णं सामी ! मिहिलातो नयरीओ कुंभएणं रण्णा निन्विसया आणत्ता समाणा ईंह हव्वमागता, तं इच्छामो णं सामी ! तुमं बाहुच्छायापरिग्गहिया निब्भया निरुन्विग्गा सुहंसुहेणं परिवसिउं। -- तते णं संखे कासीराया ते सुवण्णगारे एवं वदासी-किणं तुम्मे देवाणुप्पिया! कुंभएणं रण्णा निव्विसया आणता? तते णं ते सुवण्णगारा संखं एवं वदासी-एवं खलु सामी! कुंभगस्स रण्णो धूयाए पभावतीए देवीए अत्तयाए मल्लीए कुंडलजुयलस्स संधी विसंघडिए, तते णं से कुंभए सुवण्णगारसेणिं सदावेति, २ त्ता जाव निन्विसया आणता। तं एएणं कारणेणं सामी ! अम्हे कुंभएणं निविसया आणत्ता । तते णं से संखे ते" सुवण्णगारे एवं वदासी-"केरिसिया णं देवाणुप्पिया ! कुंभगस्स रण्णो धूया पभावतीए देवीए अत्तिया मल्ली "वि[देहरायवरकन्ना]? तते णं ते सुवण्णगारा संखं रायं एवं वदासी-~णो खलु सामी ! अन्ना कोइ तारिसिया देवकण्णगा वा गंधव्वकण्णगा वा जाव जारिसिया "णं मल्ली विदेहरायवरकन्ना।
१५
१. कुंभएणं नास्ति सं१ खं१, ला २, ३, हे ४ लों०॥ २. साति सं १ ला १, २, ३ हे ३, ४॥ ३. '२' हे ३ मु० विना नास्ति ॥ ४. गेहा सं१ ला २,३ हे ४॥५. °मातादे हे १,२ लो। मातादो हे ३। ६. वाणारसीनयरीमज्झमझेणं हे १,२,३ खं १जे१॥ ७. करयलप जे १ विना। करयल जाव जे ११८. जाव वद्धातिरत्ता जे १ विना नास्ति। दृश्यतां पृ० १६५ पं० ९॥ ९. णं नास्ति सं१ ला २, ३, हे ४ ॥ १०. इह हे २॥ ११. सामि जे १॥ १२. ते हे २ विना नास्ति ॥१३. केरिसा जे१॥ १४. अत्तीया जे१॥ दृश्यतां पृ०१५१ पं० १३ । अत्तया मु०॥ १५. वि तते इति संक्षिप्तः पाठः सर्वत्र । विदेहरायवरकण्णा इति विदेहवररायकण्णा इति चोभयविधः पाठ उपलभ्यतेऽन्यत्र, तयोरेकतरः पाठोऽत्र विशब्देन ग्राह्यः। दृश्यतां टि० १९॥ १६. काति खं १ लो । कावि हे ३ जे १॥ १७. प्रतिषु पाठाः-कन्नया वा गंधन्वकनगा वा जाव हे २१ कण्णगा वा गंधव्वकन्ना वा जाव खं १ कण्णगा गंधव्वकमा वा जाव खं१1 कण्णगा गंधवकण्णगावा जाव हे१ला। कनावा गंधवकन्ना वा जाव हे ३। कण्णा गंधव्वकन्ना वा जाव जे १। कन्ना वा जाव सं १ला २, ३ हे ४ । दृश्यतां पृ० १६२ पं० २०॥ १८. ण विदेहरायवरकण्णा मल्ली जे१॥ १९. हवररायकन्ना जे१विना। हवररायवरकन्ना हे३॥
Jain Education International
For Private & Personal Use Only
www.jainelibrary.org
