Sanghpattak

Author(s): Sanyamkirtivijay
Publisher: Samyag Gyan Pracharak Mandal

Page 159

१३२
श्री सङ्घपट्टकः प्रभावनानिमित्ततयाऽचिन्त्यपुण्यसम्भारकारणत्वेनाभिधानात्तज्जल्पनमवश्यं कर्तव्यमेव ॥ यदुक्तम् ॥
सुहसीलतेण गहिए, भवपल्लिं तेण जगडियमणाहे।
जो कुणइ कुवियत्तं, सो वन्नं कुणइ सङ्घस्स ॥ अतः कुपथपङ्कनिमज्जन्नरनिकरोद्धरणाय मया किञ्चिज्जल्पितमिदमितिसुष्टुक्तं भगवता प्रकरणकारेणेतिवृत्तार्थः ॥
अथ किमिति दिग्मात्रमेवाभिहितं यावता निःशेषदोषप्रकाशनेन हि मिथ्यापथः सुज्ञानः सुत्यजश्च भवतीत्याशक्य तन्निरासद्योतकेन यत इति पदेनान्तरापूर्य तद्दोषाणामानन्त्येनाभिधानाशक्यत्वं निदर्शनयाविर्भावयन्नाह ॥ यतः ॥ ..
॥ मूलकाव्यम् ॥ प्रोद्भूतेऽनन्तकालात् कलिमलनिलये नामनेपथ्यतोऽर्हन्, मार्गभ्रान्ति दधानेऽथ च तदभिमरे तत्त्वतोऽस्मिन् दुरध्वे । .: कारुण्याद्यः कुबोधं नृषु निरसिसिषुर्दोषसङ्ख्यां विवक्षे-,
दम्भोम्भोधेः प्रमित्सेत्स सकलगगनोल्लङ्घनं वा विधित्सेत् ॥३५॥ यत इति यस्माद्धेतोरस्मिन् दुरध्वेऽनन्तकालात् प्रोद्भुते यो दोषसङ्ख्यां विविक्षेदित्यादि सम्बन्धः ॥ तत्र प्रोद्भूते सञ्जाते अनन्तकालात् अनन्तानेहसा अनन्तोत्सर्पिण्यवसर्पिणीपरिवर्तनेनास्यकुमार्गस्याश्चर्यदशकान्त:पातित्वेन सिद्धान्ते प्रादुर्भावप्रतिपादनात् ॥
कलिमलनिलये दुष्षमापातकनिवासे दुष्षमाकालोह्यपरकालापेक्षया महापापः ॥ ततश्चात्रातीवासमंजसप्रवृत्तिदर्शनात्संभाव्यते सकलं दुष्षमामलं दुरध्वेऽस्मिन्निवसति ॥ अथवा कलिरेवकलह एव मलं किट्टि तस्य निलये ॥ तथा नाम अभिधानं यथा लिङ्गदर्शनेपि लोका वक्तारो भवन्ति ॥ अमी जैना अमी सिताम्बरभिक्षव इत्यादि ॥
नेपथ्यं रजोहरणादिवेषस्ततो द्वन्द्वः ततश्च नामनेपथ्यतः सुविहितसाधारणानामश्रवणान्नेपथ्यदर्शनाच्चाऽर्हन्मार्गभ्रान्ति तात्त्विकजिनपथसादृश्यं दधाने बिभ्राणे ॥ नन्वयं पन्थास्तर्हि जिनमार्ग एव भविष्यतीत्यत आह ॥ .. अथ चेति प्रतिकूलपक्षान्तरद्योतकमव्ययम् ॥ नन्वतः परमार्थतः तदभिमरेऽर्हन्मार्गघातुके ॥ अयमर्थः ॥ यथाऽभिमराः प्रच्छन्नघातुकाः स्ववेषेण राजादिघातकर्तुमशक्नुवन्तो वेषपरावर्त्तनेन राजादिकं व्यापादयन्ति ॥ तथैतेपि गृहस्थवेषेणार्हन्मार्गच्छेदनं तथाविधातुमपारयन्तो यतिवेषेण विरुद्धप्ररुपणाचेष्टितादिनार्हन्मार्गमुच्छिन्दन्तीति भवन्त्यभिमराः ॥