Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
जय जगचूडामणिणा, जिणेण तित्थत्तणेण वागरिय ! । निम्मलछत्तीसगुणालि-निलय ! भयवं ! कुण पसायं भेयप्पभेयदिट्टंत-जुत्तिजुत्तं सवित्थरं नाह! । गिहिसाहुगोयरं मह, कहेहि आराहणविहाणां इय कहिऊणं विरए, फुरंतमणिकंतदंतदित्तीए । धवलितो व्व नहयलं, गोयमसामी भइ एवं
भो ! भो देवाप्पि !, पहाणगुणरयणणिरुवमनिहाण ! । सुविसुद्धबुद्धिकुलभवण ! सुट्टु पुट्ठे तए एयं न हु कल्यणपरंपर-परंमुहाणं कयाइ पुरिसाण । जायइ सुदिट्ठपरमत्थ- पेहणुप्पेहणा बुद्धी ता निरुवमधम्माऽऽधार-धरियदुद्धरपगिट्ठतवभार ! । महसेणमहामुणि ! सिस्स-माणमेयं निसामेसु इय एसा जह रण्णा, महसेणेणं पवण्णदिक्खेणं । जइगिहिविसया पुट्ठत्ति, जं पुरा भणिय वृत्तं तं अट्ठा जह गोयमेण, महसेणमुणिवरिटुस्स । आराहणा तहाऽहं, जहासुयं तं निदंसेमि आराहणेह सिवपुर-परमपहो पहयरागदोसेहिं । अणुवकयपराणुग्गह- परेहिं भणिया जिणिदेहिं सा य महाजलजलनिहि-निहित्तरयणं व कहवि तुडिजोगा । ववहारनयमएण वि, कहं पि जइ लब्भइ जिि ता तीए उत्तरोत्तर- पगिट्ठयारोहणेण पइसमयं । अप्पा विसिट्ठकिच्चेसु, निच्चसो संठवेयव्वो एवं च इमं मणुयत्तणं पि, विहलं न होइ संपत्तं । जिणसमयपसिद्धक्कम - कैमढस्स व दंसणं ससिणो कयमेत्थ पसंगेणं, नाणस्स य दंसणस्स चरणस्स । तवसो य णिरइयारं, कीरइ आराहणं जीए सा चउखंधा आराहणेह, भण्णइ इमा य दुविगप्पा । सामण्णविसेसवसा, तत्थ य सामण्णओ भणिमो जो जत्थ सुए पढाइ-अवसरो तस्स तत्थ चेव सया । विणएण सबहुमाणं, उवहाणपुरस्सरं तह य तो अहीयं, तस्स तओ धुवमनिण्हवणपुव्वं । सुत्तत्थतदुभयाणं, अणण्णहाकरणओ तह जा सुट्टु वायणा पुच्छणा य परियट्टणा परूवणया । तस्सेव य परमेगग्ग-याए अणुपेहणा जाय
दिया राओ, वा वि एगस्स परिसुवगयस्स । अह सुहपसुत्तगस्स य, जागरमाणस्स अहवा वि उद्घट्ठियस्स अहवा, अह व निसण्णस्स अहनिवण्णस्स । कत्थइ थिरस्स चलिरस्स, वा वि अह खलियपडियस्स सुत्थस्स दुत्थियस्स य, सवसस्स परव्वसस्स य तहेव । छीए य वियंभणे खास - णे य, अहवा वि किं बहुणा जहवा तह वा परिसंठियस्स, अणुवरयचित्तवित्तिस्स । तग्गहणधारणापार - तंतवित्तीउ तत्तेण सम्मणाणगुणड्ढे, पुरिसरयणेसु जं च निच्वं पि । भत्तिबहुमाणकरणं, सण्णाणाराहणा एसा जा पुण सरूवगुविलत्तणेण, दुक्खोवलक्खणिज्जेसु । जीवाजीवप्पमुहेसु, सव्वसब्भूयभावेसु अणुवकयपराणुग्गह-परपरमेसरजिणप्पणीयत्ता । कहवि अबोहे वि परं, भवियव्वमिमेहिमिय भावा निस्संसयपडिवत्ती, निच्वं चिय जं च कुच्छियमयं पि। एयं पि इयगुणेणं, सुमयं ति न कंखकारितं विहियाणुट्ठाणफलम्मि, तह य जं संसयस्स परिहरणं । जल्लमलाविलगत्तेसु, जईसु न दुगंछणं जंच जो कुतित्थियअइसय-दंसणाउ न विम्हओ जा य । धम्मियगुणोववूहा, जं गुणदुत्थे य थिरिकरणं जं च तहाविहसाहम्मिएसु, वच्छल्लमिह जहाथामं । अरिहप्पणीयपवयण- पभावणं जं च बहुभेयं इणमेव य णिग्गंथं, पवयणमट्ठो अयं खु परमट्ठो । सेसो हु पुणो अणट्ठोत्ति, भावणा जाय भावेण निम्मलसम्मत्तगुणड्ढ-पुरिसरयणेसु, जं च निच्चं पि । भत्तिबहुमाणकरणं, दंसणआराहणा साउ तह जा असेससावज्ज-जोगपरिवज्जणेण सुपवित्ती। पंचसु महव्वयेसु, दसप्पयारे य जइधम्मे पडिलेहणा-पमज्जण-पमुहाए चक्कवालरूवाए । दसभेयाए तह जा, जइसामायारीए आसेवा
अहवा
दसविहवेयावच्चे, नवसु य तह बंभचेरगुत्तीसु । जा पिण्डविसुद्धीए, गुत्तितिगे समिइपणगे य दव्वं खेत्तं कालं, भावं वाऽऽसज्जऽभिग्गहग्गहणे । इंदियदमणे कोहाइ-निग्गहे जा य पडिवत्ती
१. कमढस्स - कच्छपस्य,
૧૯
।। ५७५ ।। ॥ ५७६ ॥
॥ ५७७ ॥
।। ५७८ ।। ।। ५७९ ॥
।। ५८० ।। ।। ५८१ ॥
॥ ५८२ ॥
।। ५८३ ॥
।। ५८४ ।।
।। ५८५ ।।
॥ ५८६ ॥
॥ ५८७ ॥ ।। ५८८ ।। ।। ५८९ ।। ।। ५९० ।।
॥ ५९१ ॥
॥ ५९२ ॥
॥ ५९३ ॥
॥ ५९४ ॥
।। ५९५ ।।
॥ ५९६ ॥
।। ५९७ ।। ।। ५९८ ॥
॥ ५९९ ॥
॥ ६०० ॥
॥ ६०१ ॥
॥ ६०२ ॥
॥ ६०३ ॥
॥ ६०४ ॥
॥ ६०५ ॥
॥ ६०६ ॥
॥ ६०७ ॥
॥ ६०८ ॥
Page Navigation
1 ... 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 ... 378