________________
~
અનાયાસે જ ઊંધા માર્ગથી - અવળા માર્ગથી - ખોટે ઠેકાણે લઈ જનારા માર્ગથી દૂર રહે છે, દૂર હોય છે, દૂર થાય છે અથવા ખોટે માર્ગે જનારો સન્માર્ગથી દૂર થાય છે. ऐन्द्रश्रेणिनत:श्रीमान्नन्दतान्नाभिनन्दनः । उद्दधार युगादौ यो जगदज्ञानपङ्कतः ।। १.१
(અધ્યાત્મ સાર) ઇન્દ્રોની શ્રેણીથી નમસ્કાર કરાયેલા શ્રી નાભિરાજાના પુત્ર શ્રી ઋષભદેવ પ્રભુ વિજયવંત હો કે જેમણે યુગની શરૂઆતમાં સવ્યવહારોની સ્થાપના કરી આપીને, જગતને અજ્ઞાન (ખોટી સમજ, ખોટો જીવનમાર્ગ, ખોટા ભાવો, ખોટી ભાવનાઓ) રૂપી કાદવમાંથી બહાર કાઢેલ છે, બહાર રાખેલ છે, બચાવે છે. ૧.૧” એ સવ્યવહાર રૂપ - સન્માર્ગ આજે પણ જગતમાં ચાલુ છે. તે રૂપે પ્રભુ વિજય પામે છે. ચાર પુરુષાર્થની અહિંસક જીવનસંસ્કૃતિ ભારત અને તેની બહાર ચાલુ છે. માટે પ્રભુ આજે પણ એ રૂપે સર્વત્ર વિજયવંત છે. આ રીતે વિશ્વમાં જે પ્રભુની અતિમહત્તા છે તે શ્રી શત્રુંજય ગિરિરાજના શણગાર રૂપ છે. (૧) ગિરિરાજ અનાદિકાળથી સ્વયં પવિત્રત્તમ ક્ષેત્ર રૂપે તો છે, (૨) ઉપરાંત શ્રી આદિદેવ તેના શણગાર રૂપ છે અને (૩) એ રીતે જગતમાં સદ્વ્યવહારનો - સંસ્કૃતિનો પાયો નખાયો છે. તેના સ્મારક રૂપે પણ આ ગિરિ અને તેની આજુબાજુ તથા ઉપર પ્રભુની સ્થાપનાઓ બની રહી છે.” જગતભરના સર્વ માનવો અને સર્વ પ્રાણીઓની ઉપરના ઉપકારના સાગરના પ્રવાહો જગતમાં જે વહી રહ્યા છે, ન્યાય, નીતિ, સદાચાર, અહિંસા, સત્ય વગેરે રૂપે છવાયેલાં છે, ફેલાયેલાં છે, તેના મૂળ કારણભૂત સર્વત્ર તે મહાપુરુષ છે.
- ૧૪
