________________
આથી જગતના સર્વ પ્રાણી ઉપર જંતુ, કીડાથી માંડીને દેવ-દાનવો અને યોગીઓ સુધીના જીવો ઉપર તેમનો લોકોત્તર પરમ ઉપકાર છે. પછી આજે તે ગમે તે ધર્મ પાળતા હોય, ગમે તે દેશમાં, ગમે તે રંગના પ્રજાજન હોય, માનવતાની પ્રાપ્તિનો પ્રવાહ તે આદિ દેવને આભારી છે.
(૭) શ્રીમદ્ ભાગવતના ચોથા સ્કંધમાં પૃથુરાજાનું વર્ણન છે. તેના નામ ઉપરથી પૃથ્વી કહેવાય તથા ‘ત્યારથી સન્નિષ્ઠાથી વાસિત બની પૃથ્વી પવિત્ર થવા લાગી’’ એમ સૂચિત છે.
પાંચમા સ્કંધમાં શ્રી ઋષભદેવ પ્રભુના જીવનનું વર્ણન છે, જેણે લોકોને કર્મો એટલે ધંધા, શિલ્પો, કળાઓ, આર્થિક, સામાજિક, રાજકીય ધો૨ણો સમજાવ્યાં, શીખવ્યાં. ધર્મશાસન સ્થાપ્યું, ધર્મ સમજાવ્યો, શ્રી સંઘ સ્થાપ્યો ને એ રીતે પ્રજાના જીવનને અજ્ઞાન, જડતા, પાશવીપણું, જંગલીપણું, રાક્ષસીપણું વગેરે તરફ જતું બચાવ્યું.
તેથી આ ગિરિ માત્ર જૈન ધર્મના અનુયાયીઓને જ પૂજ્ય છે એમ નથી, પણ સર્વ જીવમાત્રને નિઃશલ્યભાવે પૂજ્ય છે, પરંતુ તેને ઉચિત પૂજાના પ્રકાર બીજા જીવો ન જાણતા હોવાથી ઊલટાના આશાતના કરી બેસે, તે માટે અને મહાતીર્થની રક્ષા, વિધિ, વ્યવસ્થા વગેરે સાચવવા પૂર્વક સર્વ જવાબદારી અને જોખમદારી ઉપાડનાર યોગ્ય સમજદારના હાથમાં રહેવા જોઈએ. ‘આ ન્યાય સ્થિતિ છે.’’
(૮) એ માટે -
(૧) સર્વ પાત્ર જીવો અને જૈન ધર્મના અનુયાયીઓ તેની આરાધનાથી લાભ ઉઠાવે ને
(૨) સાથે સાથે તેનાં રક્ષણ, આશાતના નિવારણ વગેરેની જોખમદારીઓ વગેરે સંભાળે.
૧૫
