________________
શ્રીયુત જીવતલાલ પ્રતાપસીભાઈ શાહ જોગ,
મુ.જામનગર,
ધર્મસ્નેહી
તમારી સાથેની વાતચીતના અનુસંધાનમાં કેટલાક પ્રશ્નોના ઉત્તરો લખી જણાવું છું.
૧.
૨.
૩.
૪.
૧
કળા-કારીગીરીને આપણે ત્યાં સ્થાન છે, પરંતુ ગિરિરાજની યાત્રાનો આપણો હેતુ તેની સ્પર્શનાનો મુખ્ય છે. બીજો હેતુ સહકારી છે, જે આદિશ્વર પ્રભુની ભક્તિ છે. ત્રીજો હેતુ ગિરિરાજની વિવિધ પ્રકારે આરાધના છે. પછી તેના જિનમંદિરો, તેના વિશાળ વિસ્તાર, કળા-કારીગીરી-શિલ્પ વિગેરેનો છે. આ જાતનો આપણો યાત્રાના લાભનો ક્રમ છે.
-
તેને બદલે પાશ્ચાત્યો એ બધું ગૌણ કરીને કળા-કારીગીરીને ઘણા વખતથી મહત્ત્વ આપવા માગે છે, અને આખરે તેને મુખ્ય કરી નાખીને યાત્રાળુઓની સાથે પ્રવાસીઓનું આગમન વધારી દેવા માગે છે. અને ધર્મના રહસ્યોથી અજ્ઞાન આજના સુધારકભાઈઓ પણ કળાને રસ્તે ચડે છે, અને જાહે૨ જનતાને પણ ચડાવે છે.
વળી શ્રી શત્રુંજય ગિરિરાજની મહત્તા ઘટાડીને માઉન્ટ થોમસની મહત્તા વધારવાની છે. બંનેયની મહત્તા ટકાવવી નથી. બંનેયની ટકાવે તો માઉન્ટ થોમસની મહત્તા ટકે નહીં, અથવા મોટા પાયા ઉપરનું સ્વરૂપ લઈ શકે નહીં. આ માટે શત્રુંજયની મહત્તા ઘટાડવી જ જોઈએ. આને માટે ૫૦ વર્ષ લગભગ નીકળી જશે.
તે ઘટાડવા માટે કળા-કારીગરી અને બાહ્ય ભવ્યતાને મોટું સ્વરૂપ આપવું, જેથી ઘણા લોકો ત્યાં આવી શકે. તેઓની સગવડ વિગેરે માટે આકર્ષણ વધારવા વિગેરેની યોજનાઓ છે. તો જ ભવિષ્યમાં યાત્રા ગૌણ થઈ પ્રવાસ મુખ્ય થઈ જાય. આ દૂરગામી યોજના છે. ૨૫ લાખ ખર્ચવાની વાત આ મુદ્દા ઉપર છે.
૬૮
