________________
- ૭ - પવિત્ર શ્રમણ ભગવંતોના સંઘ વિષેની તમારી સૂચના ઘણી મહત્ત્વની છે. તિથિ બાબતમાં પણ મારા પ્રયત્નો મૂળથી જ ચાલે છે અને હજી પણ ચાલશે. તેમાં સફળ થવાતું નથી એ પણ હકીકત છે.
ખરી રીતે મારે પાસે જઈને બે - ચાર-પાંચ-દશ દિવસ રહેવાની જરૂર છે. દરેકનાં મન ગાળવા અને કૂણા પાડવાની તથા બીજી વિચારણાની જરૂર છે. ત્યાં જવા-આવવા માટે સાનુકૂળ સાધન -મારા ખાનપાન માટે ઘરની વ્યવસ્થા- એકાદ ધાર્મિક ભાઈ સાથે. જરૂર જણાય તો ત્યાં પ્રભાવના પણ કરીયે. તેથી યોગ્ય ફંડ પણ જોઈએ.
એકાદ લાખની રીતસર સગવડ હોય તો ઝપાટાબંધ કામ પાર પાડી શકાય તેમ છે. દરેકની ઘેડ સમજવામાં છે. માત્ર અમલ કરવાની વાર છે. તેથી જવું-આવવું જરૂરી છે. છ એક માસના પ્રવાસની જરૂર છે.
તે રકમ ભલે આવતી જાય. અમુક હસ્તક જ રહે. તેનો હિસાબ રખાય. મારે તેને સ્પર્શ પણ કરવાનો નહીં મારી સૂચના પ્રમાણે ખર્ચાય. ઉપરાંત મારાં કપડાં-ખોરાક-દૂધ-ફૂટ વિગેરે તો મારા પોતાના ખર્ચે જ રહેશે. મુસાફરી ખર્ચ તથા બીજો ખર્ચ તેમાંથી થાય. જરૂર ન પડે તો પાછા મળે. તો બહુ જ સુંદર રીતે કામ થાય તેમ છે. અને મારી ઇચ્છા આપણા આચાર્ય મહારાજાઓની પ્રધાનતામાં ભારતના બીજા ધર્મગુરુઓને પણ મેળવવાની મારી ગોઠવણ છે. આ બાબત ડુંગરપુરના રાવળ શ્રી લક્ષ્મણસિંહજી મહારાજ સાથે તાજમહાલ હોટલમાં વાતચીત થઈ હતી. તે વિના ૧૦૦ વર્ષમાં સંસ્કૃતિનો ભુક્કો બોલી જશે, અને બસો વર્ષે એક પણ હિન્દુ ખમીરવાળો જુવાન મળવો મુશ્કેલ પડશે. ભારતમાં આ સ્થિતિ હશે. દેશની ખૂબ ઉન્નતિ થઈ હશે, પણ હાલની આપણી પ્રજાની ઘણી જ અવદશા થયા વિના રહેશે નહીં એ નિશ્ચિત માનજો.
એક દિવસ બહાર નીકળ્યો. ત્યાં તાવ આવી ગયો. આજે પણ તાવ હોવાથી ઉપચાર ચાલુ છે. તેથી મુસાફરી માટે ભય રહે છે, અને તે વિના કામ શક્ય નથી.
