________________
શ્રીયુત જીવતલાલ પ્રતાપસીભાઈ શાહ જોગ,
ધર્મસ્નેહ. મુ-મુંબઇ.
શ્રી શત્રુંજય તીર્થરાજ ઉપર હોટલ કરવાની સરકારી તેયારી તે તો પાશેરામાં પહેલી પૂણી છે. ધીરે ધીરે શ્રી શત્રુંજય ઉપર બહુ જ ભયંકર જોખમો આવવાના છે, જેથી કરીને એ તીર્થ સમગ્રપણે ડૂબી જાય અને દબાઈ જાય એ પરિસ્થિતિમાં મૂકાવાનું છે. ભલે કદાચ કોઇ ભવિષ્યના ઉદ્ઘાટક ઉધ્ધાર કરે તે વાત જુદી છે. પરંતુ એક વખત લાંબા વખત સુધી દબાવી દેવાનું છે.
હવે પછીની થોડીક પેઢીઓ પછી એને મહાતીર્થ તરીકે ઓળખી શકે નહીં, ત્યાં આદેશ્વર ભગવાનનું નામ કોઇ લઇ શકે નહીં, કોઇને યાદ પણ ન હોય, કદાચ કોઈ જૂનું પુસ્તક કોઇ ક્યાંક બચી ગયું હોય અને તેમાંથી કોઇના વાંચવામાં આવી જાય તો તે વાત જુદી છે, કારણકે તે વખતે ભારત દેશનો એટલો બધો ફેરફાર થઇ ગયો હશે કે આજના અમેરિકા કરતાં પણ જુદી જ જાતનો નવો અમેરિકા દેશ બની ગયો હશે, કેમ કે એ જાતની સમગ્ર તૈયારી શરૂ થઇ ચૂકેલી જ છે. તેમાંના એક બીજ રૂપ કાર્યક્રમમાં શત્રુંજય ઉપરની હોટેલનો સમાવેશ થાય છે. હોટેલ થયા પછી બહારથી મુસાફરોના ટોળા ને ટોળા આવશે તેની કળાકારીગરીનાં વખાણ કરશે. તે સાંભળીને આપણા તે વખતના ભોળાભાઈઓ નાચી ઊઠશે અને કળાકારીગરીને ખુલ્લી કરાવનારા આપણા આગેવાન શેઠિયાઓના મુક્ત કંઠે વખાણ-પ્રશસા કરતા હશે, પરંતુ મહાતીર્થનો મહિમા દબાતો જતો હશે તે તેઓ જોઈ શકશે નહીં. બ્રિટિશોએ અજબ દીર્ઘદૃષ્ટિથી પોતાના તંત્ર નીચે પેઢીની સ્થાપના કરાવી છે ને એનો વિકાસ થવા દીધો છે.
ગુપ્ત પ્લાનો અનુસાર પેઢી પાસેથી કામ લઈ શકાય માટે ધર્મ ક્ષેત્રના વહીવટમાંથી જેમ બને તેમ ધર્મગુરુ વર્ગને દૂર રાખવાની ધારણાથી ગૃહસ્થોથી કામ લેવાનું રાખવામાં આવ્યું હતું, અને તે ગૃહસ્થોને માનસન્માન આપવું તથા એમની લાગવગ ચાલવા દેવી વગેરે ગોઠવણો
૮ ૧
