________________
૨) સમગ્ર માનવજાતના આદિ પિતા, પ્રથમ રાજા, પ્રથમ મુનિ, પ્રથમ તીર્થંકર શ્રી આદિનાથ ઋષભદેવ પ્રભુ આ ગિરિરાજ ઉપર પૂર્વ નવાણું વખત આવ્યા, એટલા જ કારણે પણ નથી.
૩) એ ભૂમિ ઉપર અનંતા આત્માઓ મોક્ષે ગયા છે, એટલા જ કારણે પણ તેની એટલી મહત્તા નથી.
પરંતુ તેની આટલી બધી મહત્તા એ કારણે છે કે
(૧) સદા સર્વકાળને માટે એ ભૂમિ સ્વાભાવિક રીતે જ કુદરતી રીતે જ એવી પવિત્ર છે કે જેનો જોટો ત્રણ જગતમાં કોઈ પણ ઠેકાણે નથી.
(૨) એ ભૂમિને કોઈએ પવિત્ર કરી નથી. કોઈ મહાપુરુષના મહત્ત્વના કાર્યને લીધે તેની આટલી પવિત્રતા થઈ નથી, કોઈ મહાપુરુષના જીવનના કોઈ મહાન પ્રસંગેને લીધે એની એટલી મહત્તા સ્થાપિત થઈ નથી, પરંતુ
તેની મહત્તા કુદરતી રીતે જ સ્થાપિત હતી, છે અને રહેશે. સહજ રીતે જ એ ભૂમિ સદાને માટે કોઈ અપૂર્વ પવિત્રતા ધારણ કરતી ભૂમિ છે. જેમ કોઈ દિવસ, ઘડી, ચોઘડિયું પણ વિશિષ્ટ હોય છે, જેમ કોઈ મહાપુરુષ પાકી આવે છે, જેમ કોઈ વખત હૃદયમાં અપૂર્વ પવિત્ર ભાવ જાગે છે, તે પ્રમાણે આ વિશ્વના વિશાળ ક્ષેત્રમાં સ્વાભાવિક રીતે જ આ ભૂમિ એવી છે કે તેના જેવી જગતમાં કુદરતી રીતે જ બીજી કોઈ ભૂમિ નથી. એ એમ કેમ છે? તેનો જવાબ જ એ છે કે અનાદિ કાળથી એ એમ જ છે એમ જ્ઞાની પુરુષોએ કહ્યું છે.
કોઈ અનેરું જગ નહીં, એ તીરથ તોલે”
માટે એ તીર્થ કહેવાય છે. માટે ત્યાં આવીને તેની સ્પર્શનાના પ્રભાવે અનંત જીવો મોક્ષમાં ગયા છે. માટે જ શ્રી આદિશ્વર પ્રભુ ત્યાં પૂર્વ ૯૯ વખત પધાર્યા હતા. માટે જ બીજા તીર્થકર ભગવંતો પણ ત્યાં આવ્યા હતા. માટે જ ત્યાં આટલા વિશાળ ક્ષેત્રમાં વિશાળ જૈન મંદિરો છે. ભવિષ્યમાં પણ તીર્થકરો થશે ત્યારે પણ વિશાળ ભવિષ્યકાળમાં અનંતા જીવો તેની સ્પર્શનાથી મોક્ષમાં જશે.
