________________
મહારાજશ્રીએ મને શત્રુંજયની યાત્રા કરવાનો નિયમ આપ્યો હતો?” મે કહ્યું “હા, બરાબર યાદ છે” બસ, હું અમુક વખતે યાત્રાએ ગયો હતો અને ઉપર ગયા બાદ ભીડમાં મંદિરમાં ઘૂસી જઈને દાદાનાં દર્શન કર્યા ત્યારથી મારી વાચા ખૂલી ગઈ છે. હવે મારે લખવાની જરૂર પડતી નથી. મોઢેથી સમજાવીને જીવદયાનું કામ કરું છું. બીજી કેટલીક વાતચીત કરીને હું આનંદ આશ્ચર્ય જુદો પડયો. તે પછી અમે કદી મળ્યા નથી, પરંતુ આ મારા સાક્ષાત્ અનુભવનો જરા પણ અતિશયોકિત વિનાનો દાખલો છે. એટલે “જે કોઈ જીવ શ્રી શત્રુંજયની ભાવથી સ્પર્શના કરે, તે અવશ્ય કોઈ ને કોઈ ભવમાં મોક્ષમાં જાય જ. પછી તે કોઈપણ ધર્મનો માનવ હોય, ગમે તેવો એક વખત દોષિત હોય, પશુ, પક્ષી હોય તો પણ તેની સ્પર્શના જેને થઈ હોય તે અવશ્ય મોક્ષમાં જાય જ' એમ નક્કી છે. “તેની સ્પર્શના પ્રાણીને મોક્ષ લાયક બનાવી દે” એમ નહીં, પણ જે મોક્ષમાં જવાને લાયક ભવ્ય જીવ હોય, તેને જ તેની સ્પર્શના થાય, દર્શન થાય અને તેથી નિશ્ચય થાય છે કે “તે જીવ અવશ્ય ભવ્ય હોય છે, એટલે કે મોક્ષને યોગ્ય છે.” અભવ્ય જીવ કે જે કદી મોક્ષમાં જવાને યોગ્ય નથી હોતા તે તેને નજરે ન નિહાળે યા ન તેની સ્પર્શના કરી શકે. આ નિયમ શાસ્ત્રમાં બતાવ્યો છે. એટલે આ પવિત્ર ભૂમિ - સર્વ જીવોને પાવન કરવાની વિશિષ્ટ પ્રકારની
પવિત્રતા ધારણ કરતી ભૂમિ છે. ૧૨. રાજસ્થાન સરકારના વર્તમાન નાણામંત્રી સિદ્ધરાજ ઢષ્ઠા છે. તેઓ
કલકત્તામાં વેપારી ચેમ્બરના મોટા પ્રચારક મંત્રી હતા. તેઓને બાળ અવસ્થામાં પૂર્વજન્મનું સ્મરણ થયું હતું અને તે વખતે તે જણાવતા હતા કે “હું આ ગિરિરાજ ઉપર પોપટ હતો. ઢઢા કુટુંબના સભ્યો યાત્રાએ આવ્યા હતા. તે હું જોતો હતો. મને પણ ભાવના થતી હતી વગેરે છૂટીછવાઈ તેમની હકીકત પણ સાંભળવામાં આવી હતી. હાલ તેમની મનોદશા શી છે? તે માલૂમ નથી.
૯૦ ––
