________________
શત્રુંજયી નદીના કિનારા ઉપરની
ચરણપાદુકાની રક્ષા મુંબઈ રાજ્યના મુખ્ય પ્રધાન શ્રી ચવ્હાણને પત્ર
મુંબઈના દ્વિભાષી રાજ્ય બાદ સૌરાષ્ટ્ર તેના અંતર્ગત આવવાથી શંત્રુજયી નદીના બંધનું કામ પણ હવે તેની સંભાળ નીચે આવે છે. મહાન જૈનાચાર્ય ૧૦૦૮ શ્રી ચંદ્રસાગરસૂરિશ્વરજી વર્તમાન મહાદ્યુતધર તરીકે પ્રસિદ્ધ શ્રીમદ સાગરાનંદસૂરિશ્વરજી મહારાજશ્રીના એક પ્રધાન આચાર્ય છે. તેઓશ્રી અમારી મારફત ફરમાવે છે કે
શ્રી શત્રુંજયી નદીને કિનારે યુગાદીશ્વર પ્રભુ શ્રી ઋષભદેવ પરમાત્માની ચરણપાદુકા બિરાજમાન છે. તે ચરણપાદુકા તે ભૂમિ ઉપર છે કે જ્યાં પરમાત્માશ્રીએ પોતાના ચરણકમલ ધારણ કર્યા હતા. ત્યાં ઉત્તરોત્તર જીર્ણોદ્ધાર થયા હતા. આજે પણ તે જ ભૂમિ ઉપર એ ચરણોની સ્થાપના વિદ્યમાન છે.
એવી જ રીતે તે પ્રભુ તક્ષશીલા પધાર્યા ત્યારે સાંજે જે સ્થળે ધ્યાનસ્થ સ્થિતિમાં સ્થિર રહ્યા હતા તે સ્થળે ત્યાંથી વિહાર કરી ગયા બાદ તેમના પુત્ર બાહુબલીજીએ ચરણની સ્થાપના કરી અને ધર્મચક્ર તીર્થ શરૂ થયું. તેની પૂજા-ભક્તિ-યાત્રા ત્યારથી શરૂ થઈ હતી ને તે તીર્થ સ્થાનનો ઉલ્લેખ પ્રાચીન શાસ્ત્રોમાં સ્પષ્ટ શબ્દોમાં મળી આવે છે તે રીતે આ ચરણપાદુકા છે.
શ્રી શત્રુંજયી નદીનો બંધ બંધાઈ રહ્યો છે. અમારા સાંભળવામાં છે કે તે ચરણપાદુકાનું ધર્મસ્થાન ત્યાંથી ખસેડવામાં આવશે. અમારે મહત્ત્વ તે ભૂમિનું છે. માટે એ ભૂમિ સુરક્ષિત રહેવી જોઈએ. અમે તેનું વળતર પણ લઈ ન શકીએ અને ત્યાંથી પગલાં ખસેડી ન શકીએ. કદાચ અમારી કોઈ પણ પેઢીએ કે સંસ્થાએ કદાચ રાજ્યને ખસેડવાની કબૂલાત આપી હોય કે તે જાતની નબળાઈ બતાવી હોય, પરંતુ તે સ્થાનની શી મહત્તા છે? તેનો કદાચ તેઓને તેટલો ખ્યાલ ન હોય.
| ૯૮
