________________
~
હું મારી રીતે કામ કરી રહ્યો છું, પરંતુ તેની ગતિ ઘણી જ ધીમી - ઘણી જ ધીમી. એટલે તેનું મહત્ત્વ શું રહે? મારા કોઈ પણ લખાણનો ભળતો જ અર્થ ન કરવા ખાસ લક્ષ ખેંચું છું. ખુલાસો મેળવવો. મારો કશોય આગ્રહ નથી. જેમ સારું થાય તેમ કરવામાં ખુશી છું. કોઈપણ કરે. હું જ કરું એવો આગ્રહ નથી. જે કરે તેના સહકારમાં રહીને - સેવામાં રહીને પણ સારું થાય તે ઇચ્છા છે. જેમ રાજાઓ ગયા તેની સાથે મહાપુરુષોની રાજનીતિ ગઈ અને લોકો આંતરિક રીતે દુઃખી થાય છે. તેમ જ ખ્રિસ્તીઓની નીતિ ભારતના ધર્મગુરુ વર્ગને ઉખેડી નાખવાની છે. આ વાત ધર્મગુરુ વિગેરેને ખબર નથી. કાંઈક અનિષ્ટ થાય છે એમ શંકા કરે છે, પણ કારણો હજી સમજી શક્યા નથી. ધર્મગુરુઓ ગયા એટલે કશી આશા રાખવાની નથી. આ કામ ખાસ કરવાનું છે.
