________________
દેશી રાજ્યોમાં દેશી રાજાઓ પાસે તેમની મોટરો સારી રીતે જઈ આવી શકે માટે સારા રસ્તા કરાવરાવ્યા છે તથા બહારની કંપનીઓએ મોટરનો વકરો સારો થાય માટે પોતાના ખર્ચે પણ રસ્તા કરાવરાવ્યા છે. હવે તેનો ઉપયોગ જાહેર જનતા માટે - બસ માટે થઈ રહેલ છે. .
આ બધું પૂર્વયોજિતે હોય છે. જો કે, તમે આ વાત માનશો નહીં, પરંતુ વાત સાચી છે.
પુરાવા - પ્રમાણો, ઘટનાઓના સૂક્ષ્મ અભ્યાસ, આગળ પાછળના ઐતિહાસિક બનાવોની સંકલન - સંશોધન વગેરે ઉપરથી ઉપરની હકીકત જણાવવામાં આવી છે. એમ ને એમ ગપગોળા ચલાવવામાં આવ્યા નથી તેની ખાતરી રાખજો.
પેઢીના કાર્યકર્તાઓ શ્રી ગિરિરાજની યાત્રાએ આવે તો અપૂર્વ પૂજાભક્તિનો પ્રબંધ મુખ્ય હોય. તેને બદલે માત્ર જીર્ણોદ્ધાર બતાવવાને બહાને કળા કારીગીરી બતાવી જાહેરાત અને પ્રસિદ્ધિ ફેલાવવાથી ઉપર જણાવ્યું તેમ અન્ય લોકોને પોતાની યોજનાઓ સફળ કરવામાં સહકાર અપાય છે.
તમારો આત્મા પણ તે હેતુ માટે ન દોરવાઈ જાય, માટે જાહેરમાં ચર્ચા હાલમાં ન ઉઠાવતાં, તમને વેળાસર ચેતવવા પત્ર લખેલ છે. તેનો સદુપયોગ કરવો કે ન કરવો તે તમારી ઇચ્છાની બાબત છે.
બુધવાર, માઘ શુદ- ૧૨-૨૦૨૩.
એડ્રેસઃ રત્નજ્યોતિ, ૧૦, ભક્તિનગર સોસાયટી, રાજકોટ-૨
9
