________________
એ બે ફરજો - મોટી ફરજો તેઓએ મહાતીર્થ તરફ પણ જાળવવાની હોય છે. તેથી જૈન શાસન સંસ્થા અને ચતુર્વિધ શ્રમણ સંઘ તેની રક્ષા વગેરે સંભાળતો આવે છે. બીજા યોગ્ય પાત્ર જીવો આશાતના વગેરે ન કરતાં વિધિપૂર્વક આરાધના કરી તેનો લાભ પ્રાપ્ત કરી શકે છે. તેથી તે પ્રત્યે કોઈનેય ગમે તેમ વર્તવાનો કે કરવાનો અધિકાર નથી. કોઈને હોય શકે નહીં આપી શકાય નહીં. આમ હોવાથી જૈન ધર્મના અનુયાયીઓએ તેમાં સીધી દરમિયાનગીરી કરવાની હોય છે. જરૂરી હોય તો ભકિતપૂર્વક સહાનુભૂતિ ધરાવવાની બીજાની ફરજ હોય છે. દરમિયાનગીરી કોઈ કરી શકે નહીં. આગળ વધીને વિચારીએ તો સર્વધર્મ એક ધર્મમાં સમાવી દેવાય એવો પ્રસંગ આજના કાયદા, પ્રચાર તથા નવસર્જન, પરિવર્તન વગેરેથી આવી જાય ત્યારે શ્રી ગિરિરાજનું શું ? “તે ધર્મવાળા સંભાળે ?” તેઓ શી રીતે વિધિપૂર્વક સંભાળી શકે ? આ પ્રશ્ન પણ વિદેશીઓએ વિચાર્યો હોય એમ લાગે છે. તે વખતે ભારતભરમાં બહુમતના આધાર ઉપર વ્યાપક બનેલો ખ્રિસ્તી ધર્મ ચાલતો હોય અને તેમ કરવાની યોજનાઓ ભારતમાં આવેલા
હાલના પોપના કેટલાક ઉદ્ગારો ઉપરથી સમજી શકાય તેમ છે. (૧૦) “તેથી તે વખતે ભારતમાં આદિપુરુષ કોણ ?' આ પ્રશ્નનો
જવાબ પણ તેઓએ વિચારી રાખેલો હોય તેમ જણાય છે. તે વખતે સેન્ટ થોમસને આદિ પુરુષ તરીકે જાહેર કરવાની યોજના હોય એમ જણાઈ આવે છે. મદ્રાસ પાસેના માઉન્ટ થોમસ નામના પહાડ ઉપર સેંટ થોમસની કબર છે. સેન્ટ થોમસ ઈશુના પહેલા કે બીજા સૈકાની આસપાસના સમયમાં થઈ ગયા હોવાનું કહેવાય છે અને તેનું મૃત્યુ હાલમાં માઉન્ટ થોમસ નામના ગણાતા પહાડ ઉપર થયું હતું.
૧૬
