________________
દ્વારા કોલાહલ મચાવીને જૈનાચાર્યોને કે તેમના અધિકૃત
પ્રતિનિધિઓને ચૂપ કરી દેવાની ક્ષમતા ધરાવતા હોય છે. મગનલાલ : મારા ઘરમાં મારી મંજૂરી વિના નાનકડો પણ ફેરફાર
કરવા કોઈ માણસ કે સંસ્થા ઘુસી આવે, તો તેને બહાર ધકેલી દઉં. મારાથી તે શક્ય ન હોય, તો પોલિસની મદદથી પણ એવા અનિષ્ટ તત્ત્વોને ઘરની બહાર ફેંકી દઉં. શત્રુંજય જેવા પવિત્ર તીર્થના વિકાસના બહાના હેઠળ શત્રુંજય તીર્થનું રક્ષણ કરનારાઓના - વહીવટ કરનારાઓના અધિકારો ઉપર તરાપ મારવા જેવું આ
પગલું ન ગણાય? ચંપકલાલ : ગણાય છે. જૈનસંઘ જેવા પવિત્ર સંઘના અધિકારો ઉપર
તરાપ મારવી- ગમે તે બહાના હેઠળ- એ જ મોટામાં મોટો અપરાધ છે. આખો ડુંગર સુવર્ણથી મઢવો હોય તો પણ તીર્થકર દ્વારા અધિકૃત એવા જૈનસંઘની મંજૂરી મેળવવી પડે. “તમારું ઘર તૂટી રહ્યું છે' એવો ડર બતાવીને મારા ઘરમાં પ્રવેશ ન કરી શકાય. એવો પ્રવેશ નર્યો સ્વચ્છેદ ગણાય. અને આવો સ્વચ્છેદ કરનારને સ્વશક્તિથી અથવા અન્ય સહાયથી ધુત્કારીને કાઢી મૂકવો જ પડે. સહાયના બહાના હેઠળ કન્જો લેવાની
દાનત હોય છે. શ્રી શત્રુંજય તીર્થ ઉપરસ્વર્ગ ઉતારવું હોય કે કહેવાતી તીર્થભક્તિ કરવી હોય, તો પણ પ્રથમ જૈનસંઘની ભક્તિ કરવા રૂપ જૈનસંઘની મંજૂરી મેળવવાનો વિનય સાચવવો જોઈએ. નંદનવન બનાવવાના પેંતરા હેઠળ જૈનસંઘના અધિકારો ઉપર ત્રાપ મારનારા સ્વચ્છંદી બળોને ફેંકી દેવા જોઈએ. જેઓ તીર્થસ્વરૂપ જૈનસંઘની ભક્તિ નથી સાચવતા, તેઓ તીર્થની ભક્તિ શું કરી શકવાના? તીર્થની ભક્તિનો ડોળ કરીને તીર્થના વહીવટ ઉપર કબજો મેળવવાની દાનત હોય છે.
