________________
શ્રી શત્રુંજ્ય શાશ્વતા મહાતીર્થ ઉપર હૉટેલ કરાય?
ન કરાય. તે કરવાથી મહાઆશાતનાની પરંપરા ચાલુ થાય, મહાપાપ થાય, તેનાં ભયંકર પરિણામો ભોગવવા પડે જ.
સાંપ્રદાયિકતાને ઉખેડી ફેંકી દેવાનો નિર્ણય શ્રીનગરમાં વડા પ્રધાન વગેરેએ કર્યો છે. પરંતુ તેઓ પોતે શાનો ઠરાવ કરે છે અને તેનો વાસ્તવિક અર્થ શો છે તે તો નિર્ણય લેનારા જ જાણતા નથી. બ્રિટિશો પોતાના ભવિષ્યના હેતુઓને ગૃહ ખાતા નામના ખાતાના વહીવટી દફતરોમાં મૂકના ગયા છે, તે વહીવટના વર્તમાન સંચાલકો દ્વારા તે અનુસાર તે નિર્ણય લીધો હોય છે.
વર્તમાન સંચાલકો પાશ્ચાત્ય પદ્ધતિના શિક્ષણથી શિક્ષિત હોવાથી તેઓના માનસ ભારતીય આદર્શો વગેરેનાં રહસ્યોથી અજાણ હોવાથી તેઓ પાશ્ચાત્ય હિતોના આદર્શોને જાણતાં-અજાણતાં પ્રોત્સાહન આપવા તરફ દોરવાઈ જાય છે અને બહારના આવેલા ખ્રિસ્તી ધર્મના પ્રચારકો પડદા પાછળ રહી તેનો ખૂબ લાભ ઉઠાવતા હોય છે.
આ રહસ્યમય બાબતો તે સંચાલકોના ખ્યાલમાં ન આવે એ સ્વાભાવિક છે, કેમ કે તેઓની સમજમાં આવવાની યોગ્ય ભૂમિકા તૂટતી જાય છે ને નહિવત્ બનતી ગઈ છે. અધાર્મિકતા દૂર કરવાને બદલે સાંપ્રદાયિકતા દૂર કરવા માટેના શબ્દો કેમ વપરાય છે? તેનાં પણ રહસ્યોની તેઓને માહિતી નથી. ખરું કારણ એ છે કે એ શબ્દ મુકાવનારાઓનો આશય દુનિયાને ધર્મ રહિત કરવાનો નથી, ધર્મથી યુકત કરવાનો અને રાખવાનો છે, પરંતુ જગતને સંપ્રદાયોથી રહિત કરવાનો છે.
તેથી તે જાતની પરિભાષા બ્રિટિશો ભારતમાં મૂકતા ગયા છે અને તે પ્રમાણે અમલ કરવાની ગોઠવણો વહીવટી દફતરોમાં મૂકતા ગયા છે. સંપ્રદાયના બીજા જુદા જુદા ગમે તેટલા અર્થ થતા હોય, તેને બાજુએ રાખીને આ પ્રસ્તુત બાબતમાં જે ત્રણ અર્થ સંભવિત છે તે પણ બતાવતાં પહેલાં ધર્મનો સાચો અર્થ શો છે? સાચી વ્યાખ્યા શી છે? તે સમજીએ કે
– ૪૩
