________________
આજે અસત્ય, જૂઠ, ખોટાં લખાણ, ખોટા દસ્તાવેજ, પક્ષીય પ્રચાર વગેરે કેટલું ચાલી રહ્યું છે? હોય, દરેક દેશ અને પ્રજામાં હોય, પણ આજે તેની માત્રા કેટલી વધી ગઈ છે? તેનો કયાસ તો નિરાંતે કાઢો. આ વાતો સત્ય સમજવાની પ્રેરણા આપવા માટે લખાય છે, નહીં કે ઉતારી પાડવા. બંધુઓને ઉતારી પાડવાની કુબુદ્ધિ ન સૂઝે.
બહારથી પણ કરોડોને બદલે અબજોનું ધન એક યા બીજી રીતે આવે છે અને અત્રે વસવાટ કરવા આવનારી પ્રજા માટે દેશની ઉન્નતિમાં ખર્ચાય છે ત્યારે સ્થાનિક પ્રજાની અવનતિ દિવસે ને દિવસે ગુપ્ત સડાની જેમ વેગ પકડતી જાય છે. તે સમજ્યા વિના ખુરશી-ટેબલ ઉપર ચડી બેઠેલા આપણા ભાઈઓના ધ્યાનમાં તે આવતું નથી તેનો ખેદ કરવા જેવો છે. ભારતની પ્રજાને અનેક રીતે ગરીબ કરાતી રહી છે અને દિવસે દિવસે દૂર બેઠા બેઠા પાશ્ચાત્યો ખૂબીથી ગરીબી વધારી રહ્યા છે. તેમને જરૂરી ધનસંપન્ન કરી ધનવંતોની કક્ષામાં લાવવાને બદલે, જેની પાસે ધન હોય છે તેને પણ ટોચ મર્યાદા કે એવા મોટા શબ્દો યોજી ઘટતાં ધન રહિત કરવાની મંત્રણાઓ, ઠરાવો વગેરે કરવામાં બુદ્ધિનો ઉપયોગ થઈ રહ્યો છે.
ધનથી ધંધા, ઉદ્યોગ વગેરે ભારતવાસીઓ યોજી શકતા હોય છે. તે ન કરી શકે તેવી સ્થિતિ જન્માવાઈ રહી છે. તે જાહેર ક્ષેત્રને નામે સરકાર કરી શકે, પ્રજા ઉત્તરોત્તર ગરીબ અને ભિખારી બનતી જાય તેવી પરિસ્થિતિના આગમન તેની સાથે જોડાઈ રહેલા છે. આ ધ્યાનમાં આવતું નથી, ઉપરથી તેને પ્રગતિકારક ઓળખાવીને તેને બિરદાવાય છે.
રાષ્ટ્રીયકરણ આપણને બહારવાળાએ શીખવ્યું છે. તેનો માર્મિક અર્થ શો છે? તેનો સાચો અર્થ વિદેશીયકરણ છે. રાષ્ટ્રીયકરણનું પહેલું પગથિયું સરકારીકરણ છે અને પછીનું પગથિયું વિદેશીયકરણ છે.
ખાનગી અને જાહેર ક્ષેત્રના વિભાગો એ જ પ્રજાની નિમ્ન કક્ષાની સ્થિતિકરણ જરાક વિચાર કરતાં જ સમજી જવાય તેમ છે. પ્રજાની આર્થિક દશા આંતરિક રીતે, વ્યાપક રીતે વિષમ બનતી જાય છે. આ દેશમાં જેઓ બહારથી વસવાટ માટે આવનારા છે તેને માટે દેશની આર્થિક ઉન્નતિ
