________________
માછીમારો, ખારવા, ખલાસીઓ વગેરેને ખ્રિસ્તી બનાવ્યા. તે કાર્યક્રમના જુદે જુદે વખતે અનેક હપ્તા પસાર થતા આવ્યા છે. આ તો માત્ર બહાર જણાઈ આવનારી પ્રવૃત્તિ રૂપે ચાલુ રખાઈ છે. તેમાંની સાંપ્રદાયિકતાને ઉખાડી ફેંકી દેવરાવવાના હપ્તાનો કાર્યક્રમ વર્તમાન રાજ્યસત્તા મારફત પ્રચારમાં મુકાવરાવ્યો છે. એમ જુદે જુદે વખતે મૂળ કાર્યક્રમના જુદા જુદા હપ્તા પસાર કરાવી અમલમાં મુકાવરાવતા હોય છે.
તેની પહેલી જાહેર શરૂઆત અકબર બાદશાહ પાસે દીન-એઇલાહી પંથ કઢાવીને કરી છે, તેને કઢાવનારા બાદશાહના પરિચયમાં આવનારા ખ્રિસ્તી ધર્મપ્રચારકો પડદા પાછળ રહી આ પંથ કઢાવનારા છે. તેની પહેલાના તબક્કામાં સને ૧૫૭૦ સુધીમાં છપાઈ ચૂકેલી બાઈબલની નકલ એ બાદશાહને ભેટ આપી છે. (ભારત ઈતિહાસ સોપાન પૃ. ૫)
આ પંથ કઢાવવાનો મુખ્ય હેતુ ખ્રિસ્તી ધર્મને ભારતમાં મુખ્ય ધર્મોની હરોળમાં છેલ્લું પણ સ્થાન અપાવરાવી ભારતના ધર્મોમાં દાખલ કરાવવાનો હતો ત્યારથી સર્વધર્મસમાનતા, સર્વધર્મસમન્વય, સર્વધર્મ સમભાવ વગેરેનો પ્રચાર ખ્રિસ્તી ધર્મ તરફથી શરૂ કરાવવામાં આવ્યો છે. જેથી ખ્રિસ્તી ધર્મ તરફ ભારતના મોટા ને મુખ્ય ધર્મો વિરોધની દૃષ્ટિથી ન જુએ અને ભારતની પ્રજામાં ધાર્મિક, આર્થિક, સામાજિક તથા રાજકીય દોરવણીમાં બ્રાહ્મણોને સાથે રાખી, ભારતની સંતશાહી મહાજન સંસ્થામાં ઠામઠામ જૈન ગુરુઓ અને ગૃહસ્થો આગળ પડતો ભાગ ભજવતા હતા, તેથી તેઓને હાથમાં લેવા પહેલું સ્થાન “દીને ઇલાહી'ના ચિત્રમાં જૈન ધર્મને અપાવ્યું છે. પછી ઇસ્લામ ધર્મને, કેમ કે તે કાઢનાર બાદશાહ ઇસ્લામ ધર્મને માનનાર છે, માટે તેનું સ્થાન બીજું. પછી વૈદિક ધર્મ, પછી શીખ, પારસી અને ખ્રિસ્તી ધર્મને સ્થાન અપાયું છે. પગપેસારો કરી મુખ્ય ધર્મોમાં છેલ્લે છેલ્લે પણ સ્થાન પામવાની યુકિતમાં તેઓ સફળ થાય છે. (ભારતના ઘડવૈયા પૃ.૮૧)
આ રીતે શરૂઆત કરી છે. તે પછી પણ બહારથી તો “ખ્રિસ્તી ધર્મનો પ્રચાર માત્ર કરતા રહ્યા છે” એમ દેખાય છે, પરંતુ તેઓનું મુખ્ય ધ્યેય તો ભારતના પ્રાચીન દરેક મૂળભૂત ધર્મોનાં મૂળ ઢીલાં પાડી દઈ
- ૪૯
