________________
આ રીતે બહારથી ખ્રિસ્તી ધર્મના પ્રચાર સાથે આંતરિક રીતે બીજા તમામ ધર્મોનાં બળ, વિશ્વમાં વ્યાવહારિક સ્થાન વગેરે નબળાં પાડવા, તેના આચારો વગેરેની વિરુદ્ધ પ્રચાર કરી તથા નવા નવા ફાંટા-ફણગા કઢાવી નબળા પાડવાના યોજનાબદ્ધ ખૂબ પ્રયાસો થયા છે અને થાય છે.
આ બધું ગુપ્ત તંત્ર ચલાવનાર દુનિયાભરમાં બેસાડેલા બિશપોની સંસ્થાઓ અને તેની સાથે જોડાયેલા પાદરીઓ વગેરે કક્ષાની વ્યકિતઓ, તેના કાર્યકુશળ સ્ટાફો, ચિત્રકારો, પ્રેસો, કેળવણીકારો, દરેક ધર્મના અભ્યાસીઓ વગેરે દુનિયાભરમાં સતત અજબ કામગીરી બજાવી રહ્યા છે. તેની પાછળ પોપ અને તેની ચર્ચ સંસ્થા જાગ્રત ભાવે કામ કરી રહી છે અને હવે રાષ્ટ્રો અને તેઓની ફેલાવેલી સત્તા મારફત ‘યુનો'ની રીતસ૨ની એક નવી સંસ્થા ‘યુનેસ્કો’ મારફત યુરોપ-અમેરિકાનાં આધુનિક મોટા રાષ્ટ્રોએ આપેલા-અપાવેલા કે સ્થાપેલા લોકશાસનનાં સ્વરાજ્યો ભોગવતી સ્થાનિક સત્તાઓ તેની લાગવગો, સહાનુભૂતિ વગેરે મારફત વ્યવસ્થિત કામ કરી રહેલ છે. અર્થાત્ આજના તમામ પ્રકારના વિશ્વસંચાલનના મૂળમાં ખ્રિસ્તી વડા ધર્મગુરુ પોપ, તેની ચર્ચ સંસ્થા, વૅટિકન સેક્રેટરિયેટ અને દુનિયાભરમાં ફેલાયેલા બિશપો, યુરોપઅમેરિકાનાં રાષ્ટ્રો, યુનેસ્કો અને યુનો વગેરે એ દિશામાં કામગીરી બજાવી રહેલા છે ને એ દિશામાં દુનિયાને પ્રેરી રહ્યા છે - ઘડી રહ્યા છે.
તેના વિશાળ કાર્યક્રમના એક ભાગરૂપ શ્રીનગરમાં વડા પ્રધાન શ્રીમતી ઇંદિરા ગાંધીના પ્રમુખપણા નીચે લેવાયેલ નિર્ણય છે. તે એકાએક ગૃહ ખાતાની કે તેના સંચાલક પ્રધાનશ્રીના કે વડા પ્રધાનના તરંગથી કે કોઈના તુક્કાથી લેવાયેલો નથી અને ‘‘સાંપ્રદાયિકતા દૂર થયે જ રહેશે'' વગેરે પ્રકારના વડા પ્રધાનના મક્કમ શબ્દો એમ ને એમ બહાર પડીને વહેતા થયા નથી હોતા.
ભારતના ધર્મો, વિદ્વાનો, આગેવાનો વગેરે ભારતમાં ખ્રિસ્તી ધર્મના ખુલ્લા પ્રચાર, વટાળ પ્રવૃત્તિ વગેરેનો વિરોધ કરે, તે વિરોધને ક્ષણભર ખ્રિસ્તી પ્રચારકો નમી પણ જાય, પરંતુ પહેલાના મૂળ ધર્મોનાં બળ તોડવા,
૫૨
