________________
વૈદિક ધર્મના દક્ષિણના મંદિરોના જિર્ણોધ્ધાર માટે યુનેસ્કો સંસ્થાએ લગભગ ૧૭ કરોડ રૂપિયાનો ખર્ચ કરવાની વાત મૂકી હતી.
ચારે બાજુ “વિકાસ-વિકાસ' શબ્દ ગુંજી રહ્યો હતો. તીર્થનો પણ વિકાસ! પણ તીર્થ વિકાસ એટલે શું? ઉપર જણાવ્યું તેમ તીર્થના વિકાસની સમજણ ગુજરાત રાજ્ય બહાર મૂકી હતી.
આધ્યાત્મિક વિકાસમાં વધુ સહાયક થવા માટે તીર્થનો ધર્મભૂમિ તરીકે વિકાસ? કે આધ્યાત્મિક વિકાસમાં બાધક બનવા માટે તીર્થભૂમિનો પર્યટન સ્થળ તરીકે વિકાસ? યાત્રાળુ માટે વિકાસ? કે પર્યટકો માટે વિકાસ? આ વિચારવા ભાગ્યે જ કોઈ થોભે છે. સૌ કોઈ “વિકાસ” નો પોપટપાઠ રટતા થયા છે.
ઉપર મુજબની ઘટનાઓથી અનુમાન થઈ શકતું હતું કે કે યોગ્ય તક મળતાં જ શત્રુંજય તીર્થને પર્યટન સ્થળમાં ફેરવી નાખવામાં આવશે. જો કે તેની પ્રાથમિક શરૂઆત તો તીર્થભૂમિને પર્યટનના નકશા ઉપર મૂકીને કરી લેવામાં આવી હતી.
