Book Title: Kathakosha Prakarana
Author(s): Jineshwarsuri, 
Publisher: Singhi Jain Shastra Shiksha Pith Mumbai

View full book text
Previous | Next

Page 303
________________ १२४ श्रीजिनेश्वरसूरिकृत-कथाकोशप्रकरणे [२० गाथा ता तरतमजोएण सया वि नरनाह ! साहुणो नेया। बउसा वि बहुवियप्पा जाण कुसीला वि बहुभेया ॥ __ अन्नं च-किरियाओ कहिंचि णाणमेव पहाणतरी। अन्नाणसंजमेणं देसस्साराहगो सुए भणिओ । अस्संजमणाणाणं देसस्स विराहगो भणिओ ॥ कालाइदोसरहियं अंगाणगं सुयं विणिदिदं । सम्मं सुत्तत्थपए परूवयंतो स विन्नेओ ॥ 5 कीस मुहा परितम्मसि ताया मह पुतओ कहं होही । जं उस्सग्गववायाण' जाणगा साहगा तस्स ।। जे उ असग्गहजुत्ता सम्मं गुरुलाघवं अयाणंता । मन्ने अभिन्नगंठी पाएण न ते पमाणं तु ॥ नियमइवियप्पिएणं जिणवयणं भणइ जो अयाणतो । कुग्गहवसपडिवन्नो स बोहिबीयं हणइ नियमा* ॥ जो जुत्तिणयपमाणेहिं बाहियं अप्पणा समुल्लविउं । जिणवयणं ति परूवह तेण पमाणं सुयं ण भवे ॥ तत्तो विसिट्ठजणअप्पविचिओ हंदि तित्थवोच्छेओ । न विसिट्ठजणेण विणा तित्थस्स पभावणा ताय! ॥ "ता नरसामिय ! णाणा तित्थस्स पभावणा ण किरियाओ । तबिरहियाओ ण खमं परूवणं ता अगीयस्स ॥ परहियनिरओ अरिहा बकुस-कुसीला य दिक्खए कीस । जइ ते संजमवियला पवयणहाणी तहा तत्तो॥ तहापासत्थाइण अन्नो पमत्तगुणठाणयाओ विण्णेओ । अण्णह गुणठाणाइं पन्नरस हवेज ण य होंति ॥ पासस्थाईयाणं अब्भुट्टित्ताण जेसि पच्छित्तं । मूलाईयं वुत्तं ते निच्चरणा ण उण अन्ने ॥ किं चअन्नाणियमच्छरदूसिएहिं परजीविएहिं पावेहिं । गिहिसंजयवेसविडंबगेहिं मुद्धोवजीवीहिं ॥ जा जस्स ठिई जा जस्स संतई पुत्वपुरिसकयमेरा । सो तं अइक्कमंतो अणंतसंसारिओ होइ ॥ एमाइ पदंसेउं मुद्धजणं पाडिऊण नियगवसे । उवजीवंति वराया एगभवं बहुगुणं काउं । पव्वज्जाए पसत्ता मुद्धजणं ताय ! अह पयारेत्ता । जे वि य उवजीवंती तवस्सिणो भासियं एयी। 20 जइ पव्वज्जा होज्जा ता किं अम्हे ण पव्वएज्जामो । जं तीरइ तं कीरइ थेवं पि विराहियं न वरं ॥ -एवं पि जुत्तिजुत्तं सव्वअहिक्खेवणं न जुत्तं ति।। तेसि ण जुत्तं चरणं न य सम्मत्तं न देसविरइ त्ति । ता अलमिमिणा कीरउ अणुग्गहो मह महाराय !॥ __ रन्ना भणियंजइ पुत्त ! तुज्झ रज्जे नत्थि रुई ता किमेत्थ वत्तव्वं । जं तुह सिणेहमूढेहिं जंपियं तं खमेजाहि ।। [25 तओ निरूवियं लग्गं । समाढत्ताओ जिणाययणेसु अट्ठाहियामहिमाओ । कयं चारगसोहणं, घोसाविया अमारी, पडिलाहिओ साहुवग्गो वत्थाईहिं । तओ सामंतामञ्चकुमारपरिवारिओ महाविभूईए सहस्सवाहिणीसिबियारूढो सत्थिक्कारिजंतो माहणेहिं, थुन्वमाणो मागहेहिं, गिजंतो गायणेहिं, साहिलासं पलोइजंतो पुरबालियाहिं, दाविजमाणो अंगुलिसहस्सेहिं, पलोइज्जमाणो ‘णयणसहस्सेहि, जयजयावि जंतो अत्थथिएहिं, देंतो वरवरियादाणं, अम्मापिईहिं सह परियणेहिं अणुगम्ममाणो पत्तो उज्जाणे । 30 विहिणा वंदिओ चित्तंगयकेवली। पव्वाविओ पंचसयपुरिसपरिवारिओ केवलिणा सूरदेवकुमारो । भणंति पासट्ठिया जणणि-जणया- 'पालियत्वं जाया, परक्कमियवं जाया, जइयव्वं जाया, खणमवि अस्सि t-1 इयं पंक्ति!पलभ्यते BC आदर्शद्वये। 1Cवायाणं वियाणगा। * B'स हणइ बोहिं सकिरिओ वि।' 2 A उवजीविजइ जेहिं। 1 BC आदर्शद्वये 'उवजीवंति वराया एगभवं बहुगुणं काउं ।' एतादृशो गाथोत्तरार्द्धः । TA आदर्श न विद्यते इयं पंक्तिः। 3 B C परिगओ। 4 BC लोयण। 5BC नास्ति 'सह परियणेहिं'। 6A घडियव्वं । Jain Education International For Private & Personal Use Only www.jainelibrary.org

Loading...

Page Navigation
1 ... 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364