________________
अर के कदै? ओ आप्पै-ए ओरां के रह्दै था। उसकी सोच देख के दास्सी नै सलाह दी अक “तू बाह्मण का सै । आड़े का राज्जा रोज तड़कै-तड़क दो मास्से सोन्ना दान कऱ्या करै । जो बाह्मण सब तै पहलां जा के असीरवाद दे उस्सै तै ओ सोन्ना दिया करै सै । तू तौला-सा राज्जा तै असीरवाद देण पहौंच जइए, सोन्ना तेरे हाथ लाग ज्यागा। ईब हाल तै मैं उस्सै तै गुजारा कर ल्यूंगी ।”
या राय कपिल के कत्ती अँच गी । सारी रात ओ याहे सोचदा रया । रात के तीसरे पैहर ऊठ्या अर सोन्ना लेण खात्तर चाल पड्या । अंधेरे मैं एक आदमी नैं जांदा देख के पहरेदार चिल्लाए, “रै कुण सै ....... कुण सै! जो इतणी रात नै भी हांडै सै । लाग्गै है- कोए चोर सै। पकड़ो . .... पकड़ ल्यो ....."
कपिल चाणचक होए सोर तै डर ग्या । बोल्या, “मैं चोर कोन्यां । मैं | तो बाह्मण का छोरा सूं । भिक्सा लेण खात्तर राज्जा कै जां था ।"
पहरेदारां नैं सोच्ची-अक, पकड्या गया तै भान्ने मिलावै सै। उननैं ओ पाकड़ के कैद मैं ढूंस दिया ।
आपणे आप नैं चोरां, डाकुआं अर बदमास्सां के बीच मैं देख के कपिल नैं आपणे ऊपर घणी-ए सरम आई। उसनें हट-हट के मां याद आण लाग्गी । सोच्चण लाग्या,-जिब लोग्गां तै उसनै बेरा पाटैगा, अक उसका छोरा कैदखान्ने मैं सै तै उसपै के बित्तैगी? भित्तर ऐ भित्तर उसने आपणे आप तै नफरत-सी होण लाग्गी ।
तड़का होया। राज्जा परसेनजित सिंघासन पै बैठे थे। मुजिरम पेस होण लाग्गे । कपिल का भी नंबर आया । सरम के मारे उसकी आंख
आनंद का खुजाना/9
