________________
म्हाराज तै थारे बारे मैं जो सुण्या था, मन्नैं ओ न्यूं का न्यूं पाया । "
“बड़ी किरपा करी थमनै अक मैं इस के काब्बल समझया । " अरहन्नक नै कही ।
देव ने एक सुथरी अर घणी कीमती कुंडलां की जोड़ी काडूढी । वा अरहन्नक तै दे दी। बोल्या, “या मेरी ओड़ तै एक छोटी-सी भेंट सै । इस नै कबूल कर ल्यो ।” देव नै कई बर कही ते अरहन्नक नै वा भेंट ले ली । देव गैब हो गया ।
इस बात तै सारे सात्थी घणे हैरान रह गे । आपणी आंख्यां पै उन नै अकीन ना आवै था । साऱ्यां नैं सोच्ची- जै इस झाज मैं अरहन्नक सेट ना होंदा तै म्हारा बचणा तै मुस्किल - ए था ।
साच्ची बात सै अक धरम के सामीं तै देवता भी सर झुकाया करें
सैं ।
हरियाणवी जैन कथायें /52
