________________
देक्खण लाग्गे- महावीर तै चुप खड़े सैं । सांप का पूरा सरीर तै महावीर के सामीं पड़या सै अर मूं बिल मैं सै। सारे हैरान रैगे। .
महावीर चण्डकोसिक तैं ग्यान दे कै चाल्ले गए। गुआल्लां नैं गाम आला तै जैहरीले सांप के बदलण की अर जैहर तै इमरत बणे होए सांप की आंख्या देक्खी कथा सुणायी ।
चंडकोसिया भगवान महावीर के उपदेस तैं कती बदल ग्या। ईब ओ ना ते किस्से पै फफकार छोड कै सताता अर ना-ए छोह करता। गाम आला नै जिब या खबर सुणी तै उसनैं साच्चे-ए नाग देवता सिमझ के दूध दही अर घी तै पूज्जण लाग्गे।।
कई लोग्गां नैं चण्डकोसिया पै छोह आया । पहल्यां जिब चंडकोसिया फफकारा करदा तो डर के मारी वे उसके लवै ना लाग्नें थे। ईब जिब उसनें छिमा धार ली तै लोग न्यूं कैह-कैह के उसके पत्थर मारण लाग्गे अक इसनै म्हारे फलाणे रिस्तेदार/ढिकड़े यार-बास के डंक मार्या था । उन लोग्गां नैं मार पत्थरां, मार पत्थरां ओ सारा फोड़ गर्यो ।
ना तै ओ पत्थर मारण आला ते दुसमनी करदा अर ना पूज्जण आला तै प्यार करदा । सारे उसके खात्तर बराब्बर थे । छोह करणा उसने छोड दिया था।
दूध अर घी की मैड्क तै ओड़े भूरी कीड़ी आ गी। उन मैं नोच-नोच के सांप की घायल देही खाणी सरू कर दी । चण्डकोसिया कै मूंडी बेदना लाग गी । पर ओ बोल-बाला पड्या रह्या । उसनें अनसन कर लिया । धरम-ध्यान करदे होए उसने सांप की देही छोड्डी। अर ओ सहसरार नां के सुरग (देवलोक) मैं पैदा होया । इस तरियां उसनें आपणा जनम सुधार लिया । 00
भगवान महावीर अर चण्डकोसिया सांप/99
