________________
सरेणिक नैं साधू का जुआब जंच्या कोन्यां । भित्तर-ए-भित्तर दरद भी होया। सोच्चण लाग्या-मैं ते आपणे आप नैं घणा हे बड्डा राज्जा जाणूं था। मेरे राज में ईसे-ईसे माणस लाचार हो के, साधू बणे सैं । धिक्कार सै मन्नै अर मेरे राज-पाट नैं ।
सरेणिक नै कही-“मुनी जी! मैं थारा नाथ बणूं सूं । मैं थमनें लाचार कोन्यां रैहण यूं । थम यो साधू का बाणा छोड द्यो, अर मेरी गेल्लां महलां मैं चाल्लो । मैं थम नैं माल्ला-माल कर यूंगा ।”
साधू नैं जुआब दिया, “जो आप्पै अनाथ होवै, ओ दूसरां का नाथ क्यूकर हो सकै सै?"
या बात सुण कै राज्जा कै पतंगे लड़गे । बोल्या, “ईब ताईं तन्नै मैं| पिछाणा कोन्यां । मैं सारी दुनिया मैं मस्हूर राज्जा सरेणिक सूं ।" ___“मैं थम नैं आच्छी तरियां जाणूं सूं । ईसी बात कोन्यां अक मैं थम नै गौलता कोन्यां ।” साधू नैं कही।
राज्जा नैं बूज्झ्या , अक “जाणै सै तै फेर में अनाथ क्यूकर ला लिया? मैं ते आपणी परजा का नाथ सूं अर कती लोह-लाट | कोए हला नहीं सकदा मेरी गद्दी नैं ।” |
रै राज्जा! जिस गद्दी के घमण्ड में तू चौड़ा हो रह्या सै वा मरण के दुख नैं दूर कर सकै सै? तेरी धन-दोलत तन्नै बुढापे तै बचा सकै सै? तेरा कुणबा अर तेरी परजा तन्नें बेमार होण तै बचा सकै सै?" साधू नै बूज्झ्या ।'
राज्जा धोरै इस बात का कोए जुआब ना था। ओ बोल-बाल्ला बैठ्या रया ।
हरियाणवी जैन कथायें /20
