________________
धरती मैं गड्डन नैं हो रही थी। राज्जा नैं ओ देख्या तै सोच्ची, यो तै ऊंच्चे घर का छोरा लाग्गै सै । पर, बेरा न क्यूं यो पकड्या गया। न्यूं लाग्गै सै जाणुं गलती तै यो पाकड़ लिया हो । उसनें बूज्झ्या , “रै कुण सै तू? रात नैं के करै था?" ___“म्हाराज! मैं बाह्मण का सूं । मन्नै सुणी थी, आप सोन्ना दान कऱ्या करो। उस्सै खात्तर मैं रात नै लिकड्या था। आपके पहरेदारां नै मैं चोर सिमझ के पाकड़ लिया ।” कपिल नैं नरमाई तै जुआब दिया।
राज्जा नैं फेर बूज्झी, “साच्ची बता, तू कुण सै? साच्ची बोल्लैगा तै छूट भी सकै सै। झूठ बोल्लैगा तै करड़ी सजा मिल्लैगी।"
कपिल बोल्या,"म्हाराज । ऊ तै मैं चोर कोन्यां पर चोर सूं भी।” “के मतलब? न्यूं कूक्कर?” राजा नै फेर बूज्झी ।
"म्हाराज! मैं सुरगीय राजपुरोहूत कस्सप का छोरा सूं । आडै पडूढण आया था। पर ईब मन्नै पढणा छोड दिया । मन्नै आपणी मां अर नगर सेट तै अग्या लीए बिना उसकी दास्सी तै ब्याह कर लिया। या चोरी सै। इस नात्ते मैं चोर होया । अर मन्नें किस्से की कोए चीज नहीं ठाई, इस नात्ते मैं चोर कोन्यां होया । मैं जो कुछ कहूं तूं ओ राई-रत्ती साच सै ।”
राज्जा के कपिल की बात्तां का यकीन आ ग्या। ओ बोल्या, “कपिल! मांग ले जो कुछ मांगणा हो। जो तू मांगेगा, मैं तन्नै ओ हे यूंगा । यो मेरा बचन सै ।"
बाह्मण का सोच्चण लाग्या- राज्जा तै के मांगूं? जो मांगूंगा ओ हे राज्जा जरूर देगा । यो बचन से राज्जा का । कपिल नैं हिसाब लाणा सरू कऱ्या
हरियाणवी जैन कथायें/10
