Aachar Sara

Author(s): Indralal Shastri, Manoharlal Shastri
Publisher: Manikchand Digambar Jain Granthamala Samiti

Page 10

प्रथमोऽधिकारः ।
आवश्यकक्रियाषट्कं समतास्तववंदनम् । सप्रतिक्रमणं प्रत्याख्यानं कायविसर्जनम् ॥ ३३ ॥ लाभालाभसुखक्लेशप्रमुखे समतामतिः। स्वायत्तकरणस्वान्तज्ञानिनः समता मता ॥ ३४ ॥ कृत्वा गुणगणोत्कीर्तिनामव्युत्पत्तिपूजनम् । वृषभादिजिनाधीशस्तवनं स्तवनं मतम् ॥ ३५ ॥ जैनैकतीर्थकृत्सिद्धसाधूनां क्रिययान्वितम् । वन्दनं स्तुतिमात्रं वा वन्दनं पुण्यनन्दनम् ॥ ३६॥ निन्दनं गर्हणं कृत्वा द्रव्यादिषु कृतागसाम् । शोधनं वाड्मनःकायैस्तत्प्रतिक्रमणं मतम् ॥ ३७॥ यन्नामस्थापनादीनामयोग्यपरिवर्जनम् । त्रिशुद्धयाऽनागते काले तत्प्रत्याख्यानमीरितम् ॥ ३८ ॥ स्तवनादौ तनुत्यागः श्रीमत्पंचगुरुस्मृतिः।। व्युत्सर्गः स्याच्छ्रुतप्रोक्तोच्छासावसरलक्षणः ॥ ३९ ॥ कूर्चश्मश्रुकचोल्लुञ्चो हुँचनं स्यादमी यतः। परीषहजयाऽदैन्यवैराग्यासंगसयमाः॥४०॥ तच्चतुस्त्रिद्विमासेषु सोपवासे विधीयते। जघन्यं मध्यमं ज्येष्ठं सप्रतिक्रमणे दिने ॥४१॥ वल्कलाजिनवस्त्राद्यैरंगासंवरणं वरम् । आचेलक्यमलंकारानंगसंगविवर्जितम् ॥ ४२ ॥ संयमद्वयरक्षार्थ स्नानादेर्वर्जनं मुनेः। जलस्वेदमलालिप्तगात्रस्यास्नानता स्मृता ॥४३॥ प्रसन्नप्रासुकाऽनात्मसंस्कृतेलाशिलादिषु । एकपाद्वेन कोदण्डदण्डशय्या महीशयः॥४४॥ स्वपात्रदातृशुद्धोया स्थित्वा समपदद्वयम् । निरालंबं करद्वन्द्वभोजनं स्थितिभोजनम् ॥४५॥ दशनाघर्षणं पाषाणांगुलीत्वडखादिभिः। स्यादन्ताकर्षणं भोगदेहवैराग्यमन्दिरे ॥४६॥