Aachar Sara

Author(s): Indralal Shastri, Manoharlal Shastri
Publisher: Manikchand Digambar Jain Granthamala Samiti

Page 23

१८
आचारसारे
इत्यष्टांगानि पुष्टानि सम्यक्त्वगुणसंपदे । यद्वदंगानि सप्त स्युः प्राज्यसाम्राज्यसंपदे ॥ ५१॥ युग्मम् । हेतुद्वयोत्थकार्यानुमयेयं भवितव्यता। दुर्लध्येति भयाऽभावो निःशंकत्वं भयोदये ॥५२॥ भयमाकस्मिकं पारलौकिकं चैहलौकिकम् । मृत्युगुप्तिरुजात्राणैः संजातमिति सप्तधा ॥ ५३॥ किं स्यात्सत्यमिदं नो वेत्याप्तोक्ते संशयोज्झिता। मतिस्तत्त्वाचलप्रीप्तिः परा निःशंकिता मता ॥ ५४॥ वांछाऽभावोऽन्यदृग्ज्ञानवृत्तोत्कर्षेष्वकांक्षता। अत्राऽमुत्र च जाते वाऽनश्वरेन्द्रियजे सुखे ॥ ५५ ॥ देवेन्द्रादिश्रियो यस्मिन्सत्यायान्त स्वयं सताम् । सम्यक्त्वेऽनुपमे तस्मिन् किं तया परचिन्तया ॥ ५६ ॥ तीनं जैनतपस्तत्र निंद्यं चामज्जनादिकम् ।। सम्यगन्यदिति स्वांतत्यागः स्यान्निर्जुगुप्सता ॥ ५७ ॥ रत्नत्रयपवित्राणां छर्दिलालाद्यपोहने। विचिकित्सात्ययो वा सा ज्ञात्वा गात्रापवित्रताम् ॥ ५८ ॥ बहिराचारचारूणि सौगतादिगतान्यलम् । क्लेशादिमोहदान्येव स्युः किंपाकवदंगिनाम् ॥ ५९॥ तदन्यज्ञानविज्ञानप्रशंसाविस्मयोज्झिता। युक्तियुक्तजिनोक्ते या रुचिः साऽमूढता मता ॥ ६०॥ यद्वत्पुत्रकृतं दोषं यत्नान्माता निगृहति । तद्वत्सद्धर्मदोषोपगृहः स्यादुपगृहनम् ॥ ६१ ॥ आत्मनोऽन्यस्य वा चेतो धर्मोद्विग्नं परीषहैः । संबोध्य तत्र तच्चित्तस्थापनं स्यास्थितिक्रिया ॥ ६२ ॥ तनियोज्य यथाशक्ति धर्मे नूनेतरानरान् । धर्मोपबंहणं कार्य न धर्मो धार्मिकैविना ॥ ६३॥