Aachar Sara

Author(s): Indralal Shastri, Manoharlal Shastri
Publisher: Manikchand Digambar Jain Granthamala Samiti

Page 66

नवमोऽधिकारः ।
अनात्मोद्देशनिष्पन्ने निरारंभेऽन्यसम्मते। शून्यागारादिदेशे न न स्त्रीक्षुद्रनटादिके ।। ७७॥ व्युत्सर्गादिश्रमोच्छित्त्यै शयनाऽऽसनयोः कृतिः। यतेरत्यल्पकालं सा शयनाऽऽसनशुद्धिधीः ॥७८॥ (युग्मम् ) चूर्णीकृत्य नखात्केशान्विश्लिष्यकैकमुत्सृजेत् । अनुल्बलणमलेपं च श्वेलसिंहाणकादिकम् ॥ ७९ ॥ वीक्ष्य पूर्वापरोर्ध्वाधःपार्श्वभागान्पुरोदिते। स्थाने प्रस्रवणाच्चारं वातं निःशब्दमुत्सृजेत् ॥ ८॥ पश्चाच्छुचिं प्रकृत्येष्टकाविकृत्यादिभिः पुनः। स्यात् क्षालिताऽऽसनकरः सौवीरोष्णजलादिभिः॥८१॥ जरारुजार्दितः कायं संन्यासेन त्यजेदिति। व्युत्सर्गशुद्धिः संशुद्धिं विधत्ते यमिनामियम् ॥ ८२ ॥ पुष्टिं विशिष्टामियमष्टशुद्धिर्विशुद्धभावैः परिभावितेह । करात पंचाचरणस्य यद्वत् सौरीमरीचिः सरसीजलक्ष्मीम८३ छत्रत्रय यस्यं जगत्रयस्य स्वामित्वसंकीर्तिपरं रराज। सन्मंगलं वःस जिनोऽस्तु देवः श्रीवासुपूज्यो भुवनत्रयेड्यः८४ इति श्रीमद्वीरनन्दिसिद्धान्तिचक्रवर्तिप्रणिते श्री 'आचारसार' नाम्नि शास्त्रे शुद्ध यष्टकवर्णनात्मकोऽष्टमोऽधिकारः ॥ ८॥
नवमोऽधिकारः ॥९॥
श्रीमांस्त्रिलोक्या कृतपादसेवो यः सर्वसत्त्वामृतदिव्यरावः । स्वादिष्टदः सोऽनुपप्रभावः सुपार्श्वदेवो भवकक्षदावः ॥१॥ आवश्यकक्रियाऽवश्यं कार्य कर्माऽवशस्य वा। मुनेः कर्मोदितं सेति कषायाक्षोऽवशोऽवशः॥२॥