Aachar Sara

Author(s): Indralal Shastri, Manoharlal Shastri
Publisher: Manikchand Digambar Jain Granthamala Samiti

Page 8

प्रथमोऽधिकारः ।
भूभृल्लोकाऽविरुद्धः स्वजनपरिजनोन्मोचितो वीतमोहचित्रापस्माररोगाद्यपगत इति च ज्ञातिसंकीर्त्तनाद्यैः ॥ ९ ॥ ततस्तदाज्ञामृतपान पुष्टो निर्बन्धगन्धद्विपवत्प्रहृष्टः ।
बाह्यान्तरंग परिहृत्य संगं शस्ते मुहूर्ते स्थिरलग्न पूर्ते ॥ १० ॥ प्रीत्या चैत्यगृहादिदक्षिणदिशि क्षोणीतले प्रासुके प्राचीसन्मुखमुत्तरास्यमथवा कृत्वा सरोजासनम् । आसीनश्चिकुरोत्करं भवतां वा दक्षिणावृत्तितः
प्रोत्पाद्याविकृतिं जगत्रयनतिं स्वीकृत्य जाताकृतिम् ॥ ११ ॥ प्रदक्षिणीकृत्य जिनेन्द्रगेहे प्रविश्य जैनप्रतिबिंबपार्श्वे । रम्ये स्थले वा व्रतिपाज्ञयैव क्रियां विधायात्तमहाव्रतादिः ॥१२॥ स्थित्वा ततः प्रमुदितो गुरुवामपार्श्वे
श्रुत्वा प्रतिक्रमणमीडितयोगिवर्गः । योऽयं जिनोक्तविधिनाऽधिगतागमार्थचारित्रसंपदमुचति तां गुणालीम् ॥ १३ ॥ युक्ताः पंचमहाव्रतैः समितयः पंचाक्षरोधाशयाः
C
पंचावश्यक षट्कलुञ्चनवराचेलक्यमस्नानता । भूशय्यास्थितिभुक्तिदन्तकपणं चाह्नयेकभक्तं यता
वेवं मूलगुणाष्टविंशतिरियं मूलं चरित्रश्रियः ॥ १४ ॥ अहिंसा सत्यमस्तेयं ब्रह्मचर्यमसङ्गता ।
महाव्रतानि पंचैव निःशेषावद्यवर्जनात् ॥ १५ ॥ जन्मकायकुलाक्षाद्यैर्ज्ञात्वा सत्त्वततिं श्रुतेः ।
त्यागस्त्रिशुद्धया हिंसादेः स्थानादौ स्यादहिंसनम् ॥ १६ ॥ रागद्वेषादिजासत्यमुत्सृज्यान्याहितं वचः ।
सत्यं तत्त्वान्यथोक्तं च वचनं सत्यमुत्तमम् ॥ १७ ॥ बह्वल्पं वा परद्रव्यं ग्रामाद्रौ पतितादिकम् । अदत्तं यत्तदादानवर्जनं स्तेयवर्जनम् ॥ १८ ॥
१ सन्दिग्धोऽयं पाठः । २ प्राप्नोति । ३ नैर्वस्त्र्यं ।