________________
ભાઈબંધે મળ્યા. વાત થઈ. હવે જયભાઈ અમરાશાના ગેરેને લઈને અહીં આપણે ત્યાં આવશે.'
એ ઘર કેવું ગણાય ?”
અરે ગાંડી, અમરાશાનું ઘર કેવું ગણાય એ પૂછે છે ? આજકાલ માળો આખે સળગે છે. ગઈકાલના બહાદુર રાજાના બે દીકરાઓ અંદર અંદર લડીને એકબીજાને ખુવાર કરી રહ્યા છે. માથે દિલ્હીમાં પ્લેચ્છ સુલતાન બેયના ખુવાર થવાની વાટ જોઈને બેઠો છે એટલુંય એ સમજતા નથી.”
ભાઈઓ ભાઈઓ એકબીજાને ખુવાર કરે એ કાંઈ નવું નથી. એટલે આધે માળવાની વાત ક્યાં કરે છે? અહીં જ નજર કરે ને! અહીં પણ સગાભાઈઓને સગા ભાઈઓના દીકરાઓ પણ
ક્યાં બાઝવામાંથી ઊંચા આવે છે ? પણ એમાં અમરાશાને ટકા કેટલા? ને જે વાણિયો રાજખટપટમાં સંડોવાય એ ઊભો રહે કેટલા દિવસ ?”
| ‘પૂરી વાત તો સાંભળ : આ માળવાવાળા અંદર અંદર બાઝે છે ને એકબીજાનાં ગામો સળગાવે છે, ત્યારે અમરાશાએ માંડુંગઢમાં લેકે માટે આશરો ઊભો કર્યો છે. માંડુગઢના એક પરમાર ભાયાતને પડખે એ ઊભા રહ્યા છે. એમણે ત્યાં નવ નિધિ ઠાલવી દીધા છે અને ગઢ તે કોઈ કાળકોઠા જે બાંધી દીધો છે ! ને એમાં જેને આશરો લેવો હોય એને એ આશરો આપે છે, જેને ત્યાં વસવું હોય એને વસાવે છે. અરે, બાણ લાખ માળવાને દિલ્હીના સુલતાને લૂટયો, દેવગિરિવાળાએ લૂટયો ને હવે બાકી રહ્યું છે એ ભાઈ ભાઈ અંદર અંદર ઝઘડીને હાથે કરીને ખુવાર કરે છે ! એમાં માળવામાં આજે એક અમરાશા જ એવા છે, જેની સામે લેકે મીટ માંડે. એ તો થંભ છે થંભ! વઢવું કેઈની સાથે નહિ, દબાવું કોઈનાથી નહિ, ગમે તેમ કરીને ગઢની વસતી વધારવી એ જ એનું કામ ! વેપારરોજગરને
