________________
૨૦3
સંલેખનાવસ્તુક | અભ્યધત વિહાર | યથાસંદિકની સામાચારી / ગાથા ૧૫૩૦-૧૫૩૮
અને ઘણા જ આને પરિહારવિશુદ્ધિ કલ્પ એક વખત પૂરો થયા પછી એક ગણમાં રહેલા નવા સાધુઓમાંથી ઘણા જ સાધુઓ ફરી આ પરિહારવિશુદ્ધિકલ્પને, સ્વીકારે છે, ત્યારે ફરી પરિહારવિશુદ્ધિકલ્પને સ્વીકારનાર પૂર્વપ્રતિપન્ન એવા સાધુઓ પૃથક્ત પણ હોય અર્થાત્ બેથી માંડીને નવ પણ હોય, એ પ્રમાણે ગાથાર્થ છે.
ભાવાર્થ :
ગાથા ૧૫૨૪માં બતાવેલ કે શુદ્ધપરિહારને ગચ્છ સ્વીકારે છે અથવા એકના નિર્ગમનથી અપરના પ્રવેશરૂપ અગચ્છ સ્વીકારે છે. તે અગચ્છ એવા શુદ્ધપરિહાર સ્વીકારનાર સાધુઓને આશ્રયીને પ્રસ્તુત ગાથામાં સંખ્યા બતાવે છે –
ઊનના પ્રક્ષેપમાં પ્રતિપદ્યમાન સાધુ એક પણ હોય. તેથી એ પ્રાપ્ત થાય કે શુદ્ધપરિહાર કલ્પ એક વખત સમાપ્ત થયા પછી ફરીથી તે કલ્પ સ્વીકારતી વખતે, તે નવ સાધુઓના ગણમાંથી એક સાધુ નીકળનાર હોય અને તેને સ્થાને નવા એક સાધુ પ્રવેશનાર હોય ત્યારે એક સાધુ પણ પ્રતિપદ્યમાન હોય; તેમ જ જો બે વગેરે સાધુઓ નીકળનાર હોય અને તેને સ્થાને નવા બે વગેરે સાધુઓ પ્રવેશનાર હોય તો બેથી માંડીને આઠ સાધુઓ પણ પ્રતિપદ્યમાન હોય અને એક સાધુ પૂર્વપ્રતિપન્ન હોય.
વળી ઊનના પ્રક્ષેપમાં પ્રતિપદ્યમાન સાધુ હોય ત્યારે પ્રક્ષેપ પક્ષમાં જ પૂર્વપ્રતિપન્ન સાધુ પણ અવશ્ય હોય, અને તે પૂર્વપ્રતિપન્ન સાધુ એક હોય અથવા પૃથક્ત હોય. તેથી એ પ્રાપ્ત થાય કે શુદ્ધપરિવાર કલ્પ એક વખત સમાપ્ત થયા પછી એક ગણમાં રહેલા નવ સાધુઓમાંથી ઘણા સાધુઓ જિનકલ્પને કે સ્થવિરકલ્પને સ્વીકારે, ત્યારે ફરીથી તે કલ્પને સ્વીકારનાર પૂર્વપ્રતિપન્ન સાધુ એક હોય, અને ઘણા સાધુઓ ફરીથી પરિહારવિશુદ્ધિ કલ્પને સ્વીકારે ત્યારે પૂર્વપ્રતિપન્ન સાધુઓ પૃથક્ત હોય અર્થાત્ ક્યારેક પૂર્વપ્રતિપન્ન સાધુઓ બે હોય, ત્રણ હોય યાવત્ આઠ પણ હોય, અને જયારે એક ગણમાં રહેલા નવેય સાધુઓ ફરીથી પરિહારવિશુદ્ધિ કલ્પને સ્વીકારે, ત્યારે પૂર્વપ્રતિપન્ન સાધુઓ નવ પણ હોય અને પ્રતિપદ્યમાન સાધુ એક પણ ન હોય. ૧૫૩૭ી
અવતરણિકા :
ગાથા ૧૩૭૭માં અભ્યદ્યત વિહાર અને અભ્યદ્યત મરણનું સ્વરૂપ બતાવતાં અભ્યધત વિહારના ત્રણ પ્રકાર બતાવ્યાઃ (૧) જિનકલ્પિક (૨) શુદ્ધપરિહારિક (૩) યથાસંદિક. ત્યારપછી ગાથા ૧૩૭૮થી ૧૫૨૩ સુધી વિસ્તારથી જિનકલ્પિકોનું સ્વરૂપ બતાવ્યું. ત્યારપછી શુદ્ધપરિહારિકોનું સ્વરૂપ બતાવવા ગાથા ૧૫૨૪થી ૧૫૩૭માં શુદ્ધપરિહારમાં જિનકલ્પથી જે જુદાપણું છે તે બતાવ્યું. હવે યથાસંદિકોનું સ્વરૂપ બતાવવા પ્રસ્તુત ગાથામાં પરિહારવિશુદ્ધિકોના સ્વરૂપના કથનનું નિગમન કરીને ગ્રંથકારશ્રી યથાલંદમાં જિનકલ્પથી જે જુદાપણું છે તેને બતાવવાની પ્રતિજ્ઞા કરે છે –
ગાથા :
एअं खलु णाणत्तं एत्थं परिहारिआण जिणकप्पा । अहलंदिआण एत्तो णाणत्तमिणं पवक्खामि ॥१५३८॥
Jain Education International
For Personal & Private Use Only
www.jainelibrary.org
