________________
१. आराहणापडाया [गा. ७२९-४५. सोलसमं बारसमुहभावणाअणुसट्ठिपडिदारं] 729. एवं भावियचित्तो संथारवरम्मि सुविहिय ! सया वि।
भावेहि भावणाओ बारस जिणवयणदिवाओ ॥ ७२९॥ 730. समणेण सावएण व जाओ निचं पि भावणिज्जाओ।
दढसंवेयकरीओ विसेसओ उत्तिमट्टम्मि ॥७३०॥ 731. पढमं अणिचभावं १ असरणयं २ एगयं ३ च अन्नत्तं ४।
संसार५मसुहयं ६ चिय विविहं लोगस्सहावं ७ च ॥ ७३१॥ 732. कम्मस्स आसवं ८ संवरं ९ च निजरण१० मुत्तमे य गुणे ११ ।
जिणसासणम्मि बोहिं सुदुल्लहं १२ चिंतए मइमं ॥७३२॥ 733. जुवण-जीविय-रूवं पेमं पियसंगमो बलं विभवो।
सामित्त-परियणाई सव्वमणिचं विणा धम्म १ ॥ ७३३॥ 734. माया-पियरो भाया भज्जा पुत्ता य मित्त धणनिवहो।
न य सरणं संसारे जीवाणं मुत्तु जिणवयणं २ ॥ ७३४ ॥ 735. एगो बंधइ कम्म, एगो तं चेव अणुहवइ जीवो।
एगु चिय भमइ भवे, इय एगत्तं सरसु सम्म ३ ॥ ७३५॥ 736. अन्नो जीवो, अन्नं इमं सरीरं पि, बंधवा अवरे ।
इय अन्नत्तं चिंतसु गयसुकुमालो व्व धीर! तुमं ४ ॥ ७३६॥ 737. जम्म-जर-मरण-धणनास-रोग-भय-सोग-पियविओगेहिं ।
परमत्येण असारं संसारं जीव ! चिंतेसु ५॥ ७३७॥ 738. मंस-ऽट्टि-मेय-मिजा-पुरीस-वस-रुहिर-मुत्त-पित्तेहिं।
सव्वं असुहसहावं उरलसरीरं विभावेसु ६॥ ७३८ ॥ 739. माया य भवइ भन्जा, पिया य पुत्तो, दिओ वि मायंगो ।
राया वि हु किमिकीडो, लोयसहावं मुणसु एवं ७॥७३९ ॥ 740. अव्वय ५ कसाय ४ इंदिय ५ किरिया २५ जोगेहिं ३ कम्ममासवइ ।
जीवो सययं तम्हा आसवदारे निरुंब्भेहि ८ ॥७४०॥
-
१. वहा F.॥ २. भसुइस A. B. D. F. ॥ ३. दारं C. E. ॥ ४. निरंभेहि B.C. D. | निरंभेहिं F. I निरुमेह E. |
Jain Education International
For Private & Personal Use Only
www.jainelibrary.org
