________________ પુરવાર થયો છે, ત્યારે જેન ધર્મનો આ કર્મવાદ વ્યવસ્થિત સ્વરૂપે બહાર આવે તો જગત પર કેટલો મહાન ઉપકાર થાય ? અંતમાં પૂજ્ય આચાર્ય તથા મુનિવર્યોને અમે વિનંતિ કરીએ છીએ કે તેઓ આજના વિજ્ઞાન વગેરે અનેક દૃષ્ટિબિંદુઓ પર પૂરતું લક્ષ આપી કર્મ સાહિત્યનું નવીનરૂપે પ્રકાશન કરે અને તેનો વ્યવસ્થિત પ્રચાર થાય તેવી કોઈ યોજના ઘડી શાસનની મહાન પ્રભાવના કરે. ( જૈનધર્મનું અજોડ ર્મવિજ્ઞાન ) વિશ્વ વિચિત્રતાનું રહસ્ય : વિરાટ વિશ્વની વિચિત્ર ઘટનાઓ શી રીતે બની રહી છે? એનું રહસ્ય શોધી કાઢવા જગતના ચિંતકોએ ઘણી મહેનત કરી છે. By chance. અકસ્માત જ આ બધું બને છે- એમ કહેનાર તો વિશ્વના સનાતન નિયમ 'Cause and Effect' કાર્યકારણભાવને જ ભૂલી જાય છે. જ્યારે બીજા કેટલાક કાર્યકારણનો નિયમ લક્ષમાં રાખીને વિચિત્ર ઘટનાઓ પાછળ ઈશ્વરની માયા, ઈશ્વરીય શક્તિ અગર ઈશ્વરીય સામ્રાજ્યને જવાબદાર ગણે છે. એની સામે પ્રશ્ન એ ઊઠે છે કે “ઈશ્વર તો દયાળુ ગણાય છે, તો એ દુ:ખદ સર્જનો કેમ કરે ? ઘાતક શસ્ત્રાદિ અને નિર્દય ઘટનાઓ કેમ બનાવે ? અને સર્વશક્તિમાન ગણાય છે તો હલકાં, અધુરાં તેમજ નિષ્ફળ સર્જનો કેમ કરે ?' એના સમાધાનમાં તેઓ કહે છે કે “જીવોના ભાગ્યાનુસાર ઈશ્વર ન્યાયીરીતે વિચિત્ર સર્જનો કરે છે, વિચિત્ર ઘટનાઓ બનાવે છે. આની સામે જૈનધર્મનું અજોડ કર્મવિજ્ઞાન 13
