________________ કે ત્યાંજ નરકનાં ભાતાં ભેગા કરવા માંડ્યાં ! રાજા શ્રેણિકને ભગવાન કહે છે કે “એ હમણાં મરે તો સાતમી નરકે જાય !" ભાવ બગાડ્યાનો સમય બહુ નહિ, વળવાનું કાંઈ નહિ, આઘું પાછું ખસવા-કરવાની ક્રિયા નહિ, ને કર્મબંધ જાલિમ ? જીવને આનો કોઈ વિચાર ? બીજું બધું ન બગડવા દેવાની જીવની તત્પરતા અને મહેનત ભગીરથ હોય છે, પરંતુ પોતાના જ ભાવ ન બગડે એની કશી પરવા જ નહિ. એ એની કેટલી બધી મૂઢ દશા ? જીવ જરાક જો સાવધાની રાખે અને બહારનું ગમે તે હોય પરંતુ પોતાના ભાવ ન બગડવા દેતાં કોઈ ને કોઈ શુભ ભાવ દિલમાં ઊભો રાખે, તો એ કેટલા બધા અશુભ કર્મબંધથી બચી શુભ કર્મના જથા બાંધવા માંડે ? શુભ ભાવના આ અને બીજા લાભ કેવા છે એ જોઈએ. (1) ક્રિયા કદાચ પાપની પણ હોય, છતાં જો દિલમાં ભાવ શુભ રહે તો શુભ કર્મબંધ થાય છે. એથી ઉર્દુ, ક્રિયા ધર્મની હોય, છતાં જો ભાવ બગાડ્યા તો અશુભ કર્મબંધ લમણે લખાયો જ સમજો. શ્રાવિકા ચૂલો સળગાવે છે એ જીવહિંસામય ક્રિયા છે, પાપક્રિયા છે, ધર્મક્રિયા નહિ. પરંતુ ત્યાં જ એના મનમાં થાય કે, અરે ! આ માનવભવની કેવી વિટંબણા ! સર્વ જીવનો અહિંસા અભયદાનને યોગ્ય આ ઉચ્ચ ભવમાં ષકાય જીવોના આરંભ-સમારંભમય આ ધંધા ક્યાં સુધી ? બિચારા જીવોએ અમારું શું બગાડ્યું છે ? છતાં અમે એનો કચ્ચરઘાણ કરીએ છીએ ! ને આ 44 જૈન ધર્મનું અજોડ કર્મ વિજ્ઞાન
