________________ ઉ. શાતા વેદનીયકર્મના ઉદયથી તથા અંતરાયકર્મના ક્ષયોપશમથી. ગરીબને, દુઃખી માણસોને રોગી દેખી તેની દયા આણે તથા સુખ ઉપજાવે, સાધુ અને સાધ્વીઓને ઔષધનું દાન દે તો; તે નિરોગી થાય. પ્ર-૨૬ બળહીન કાયા શાથી મળે ? ઉ. વીર્યંતરાયના ઉદયથી. ગરીબોને દુ:ખ આપે, તેમની સાથે ઝઘડા કરે, તેમને મારે-બાંધે અને પોતાના બળનો ગર્વ કરે તો; તે નબળો થાય. પ્ર-૨૭ બળવાન શાથી થાય ? ઉ. વીર્યંતરાયના ક્ષયોપશમથી. ગરીબ અને અનાથ જીવો પર દયા રાખી તેમને શાંતિ ઉપજાવે, સંકટમાં સહાય કરે અને અન્નવસ્ત્ર વગેરે આનંદથી આપે; તો બળવાન થાય છે. પ્ર-૨૮ કાયર શાથી થાય છે ? ઉ. ભયમોહનીયકર્મના ઉદયથી. બીજા જીવોને ભય ઉપજાવે, ધ્રાસ્કો પાડે, આબરૂ લૂંટે, રાજા, પંચ, ચોર, સૂર્ય, ઝેર, અગ્નિ, પાણી, દેવ, ભૂત વગેરે ભયંકર વસ્તુઓનું નામ લઈ બીજાને બીવરાવે, પશુઓને ત્રાસદાયક બનાવીને અથવા ચમકાવીને રાજી થાય તેથી કાયરપણું પામે છે. પ્ર-૨૯ શૂરવીર શાથી થાય ? ઉ. ભયમોહનીયના અનુદયથી અને વીર્યંતરાયના ક્ષયોપશમથી. દીન, દુ:ખી અને અપરાધીને અભયદાન દઈને ભયથી બચાવે અને ઉપદ્રવ મટાડે તો શૂરવીર થાય. પ્ર-૩૦ મૂર્ણ શાથી થાય છે ? 84 જૈન ધર્મનું અજોડ કર્મ વિજ્ઞાન
