________________ હવે અજ્ઞાન બનવું છે ? કે સારા ભાવ લાવી મન સુધારવું છે ? તો એ કરો, એનું આ ઇનામ છે; શુભ અધ્યવસાયના પ્રતાપે નિકાચિતની સાથે લાગેલા. અશુભ અનુબંધો તૂટે છે. એમ કહેતા નહિ. પ્ર. - ગમે તેટલા શુભ ભાવ કર્યા ને અશુભ અનુબંધો તૂટ્યા, પણ નિકાચિત કર્મો તો ઊભા રહ્યા ને ? એ જીવને દુ:ખા તો દેવાના. નિકાચિત મોહનીય કર્મ હશે તો એ કર્મ વિપાકમાં મોહ તો કરાવવાના, પછી અશુભાનુબંધો તૂટ્યાનો શો લાભ ? ઉ. - આવું ન કહેવાય; કેમ કે અશુભ અનુબંધ તૂટવાથી મોટો લાભ એ છે કે નિકાચિત કર્મના ઉદયે આવનાર દુઃખમાં કે મોહમાં બુદ્ધિ નહિ બગડે, દુર્બુદ્ધિ નહિ થાય, પાપબુદ્ધિ-કષાયો-દુર્ગાન જાગવાના નહિ. જુઓ, - ભગવાન મહાવીર પરમાત્માના જીવ બિપૃષ્ઠ વાસુદેવે શધ્યાપાલકના કાનમાં ધગધગતું સીસુ રેડાવેલું, ને તેથી જે લાંબું નિકાચિત અશાતા વેદનીય પાપકર્મ બાંધ્યું એનો ભોગવટો કરતાં કરતાં છેવટે છેલ્લા ભવમાં બાકીનું એવું ભોગવવામાં આવ્યું કે ગોવાળિએ પ્રભુના કાનમાં ખીલા ઠોક્યા, ને તીવ્ર અશાતા ઊપજી ! પરંતુ અશુભ અનુબંધો તૂટ્યાનો મહાલાભ આ થયો કે એટલી ઘોર અશાતામાં પણ પ્રભુનું મન બગડ્યું નહિ, દુબુદ્ધિ ન થઈ; ક્રોધ ન આવ્યો; “હાય ! કેવી ઘોર પીડા !' એવું આર્તધ્યાન ન ઊભું થયું. ઉલ્ટ, આટલી ઘોર શુભ અધ્યવસાયની કેટકેટલી અસરો નીપજે ? 73
