________________ તો પછી શું મહત્ત્વનું ? પુણ્યોદય મહત્ત્વનો ? કે શુભાનુબંધનો ઉદય મહત્ત્વનો અર્થાત્ સુખ સગવડ મહત્ત્વનાં ? કે બુદ્ધિ મહત્ત્વની ? એમ શું ખરાબ ? પાપકર્મનો ઉદય ખરાબ ? કે અશુભાનુબંધનો ઉદય ખરાબ ? એટલે કે દુ:ખ આપત્તિ ખરાબ ? કે દુર્બુદ્ધિ ખરાબ ? સ્પષ્ટ વાત છે કે સુખ-દુઃખ બહુ મન પર લેવા જેવી વસ્તુ નથી, કિન્તુ સબુદ્ધિ દુબુદ્ધિ પર બહુ લક્ષ દેવા જેવું છે. આત્મા સુખ પર મહાન નથી, કિન્તુ બુદ્ધિ પર મહાન છે. પ્રસંગ પર શું જોવાનું ? મહાન બનવું છે કે અધમ ? મહાન બનવું હોય તો સુખ દુઃખ સામે ન જુઓ, સબુદ્ધિ જાગે છે, કે દુર્બુદ્ધિ ? એ પર ધ્યાન રાખો, ને દુબુદ્ધિ અટકાવતા રહી સબુદ્ધિ જાગતી રાખવા મથો, મહેનત કરો. જીવનમાં અવનવા પ્રસંગો તો આવ્યા કરવાના, પરંતુ એમાં એ જોતા ન બેસો કે આ પ્રસંગમાં મને સુખ મળે કે દુ:ખ ?' કિન્તુ એ જોતા રહો કે આમાં મને સબુદ્ધિ બની રહો, દુબુદ્ધિ અટકો શુભ ધ્યાન રહો, દુર્બાન અટકો. ક્ષમાદિ ગુણો જાગતા રહો, ક્રોધાદિ કષાયો અટકો. બાહ્યમાં ગરબડ છતાં આંતરમાં જિન-જિનશાસન આદિ વ્યવસ્થિત હોવાથી મારું મન સ્વસ્થ રહો, સમાધિમાં રહો, મનમાં ગરબડ આકુળ-વ્યાકુલતા અસમાધિ થતી અટકો. શુભ અધ્યવસાય ની કેટકેટલી અસરો નીપજે? 75)
