________________ એને કોઈ દુન્યવી સ્વાર્થ સાધી લેવો નથી કે મને આ દાન દ્વારા માન મળો પાન મળો દુન્યવી સુખ મળો,” ના, આ કોઈ આશંસા અપેક્ષા નથી. એક જ વિચાર છે કે “અહો !' આવા મહાન મહાત્માને દેવાનું મારું અહો ભાગ્ય ? ધન્ય જીવન ? ધન્ય દાન !" આ નિરાશંસ દાન ધર્મ છે. નિરાશંસ ધર્મસાધનાથી શુભાનુબંધી પુણ્ય ઊભું થાય. શુભાનુબંધી કર્મ એટલે શુભ અનુબંધવાળા કર્મ એટલે કે એવાં કર્મ કે જેના ઉદય વખતે શુભ ભાવ ઊભા રહેશે. અહીં દાન કર્યું શુભ ભાવથી, મુનિ અને દાન ક્રિયા પ્રત્યેના ઊંચા બહુમાનથી. દાન એટલે કે “ખીર વગેરે રસ વસ્તુનો મારે ઉપભોગ નહિ, પરંતુ મુનિ-પાત્રમાં ત્યાગ કરવાનો ધન્ય અવસર મળ્યો ? વાહ ! કેવો સરસ ત્યાગ !" આવા ત્યાગ પ્રત્યેના બહુમાનથી ત્યાગ કર્યો, દાન કર્યું, હવે એ ત્યાગનો ભાવ ભવાંતરે એ દાનજનિત પુણ્યના ભોગવટા વખતે આવીને ઊભા રહેવાનો. શુભભાવનું પુનરાવર્તન એ શુભ અનુબંધ. આનું એ પરિણામ હતું કે એ સંગમ દાનથી પછીના ભવે. શાલિભદ્ર થયો, ને ઘરે રોજ દેવતાઈ માલની નવાણું પેટી ઉતરે છે; તો એ પેટીઓનો સંગ્રહ નહિ, પણ બીજે દિવસે એઠવાડીયા કૂવામાં એના માલનો ત્યાગ કરી દે છે; રોજ નવી દેવતાઈ પેટી, ને રોજ ગઈકાલની પેટીઓ કૂવામાં ! કેવો અદ્ભુત ત્યાગ ! એમાં વળી અવસર આવી લાગ્યો ત્યારે સમસ્ત સંસાર ત્યાગ કરી હંમેશ માટે એવી દેવતાઈ પેટીઓ લેવાનો મહાત્યાગ કરી દીધો ! શુભાનુબંધી પુણ્યકર્મનો આ પ્રતાપ કે એના ઉદય વખતે પૂર્વના શુભ ભાવ ચાલુ. 64 જૈન ધર્મનું અજોડ કર્મ વિજ્ઞાન
