________________ (શુભ અધ્યવસાયની કેટકેટલી અસરો નીપજે?) વિષય સુખની લાલસા બાજુએ મૂકી ભવની વિટંબણા અને કર્મની પરાધીનતા હટાવવાની આંતરિક ઇચ્છાથી શુભ આવરણ કરાય તો જ એ પુણ્ય પુણ્ય માર્ગ બની શકે. શુભ ભાવનું આ લક્ષણ છે કે એમાં સરવાળે વિષય સુખની લાલસા ન હોય, ને ભવ વિટંબણા અને કર્મ ગુલામી ટાળવાની તમન્ના હોય. આવા શુભ ભાવની નિકાચિત કર્મ પર કેવી રીતે અસર પડે છે, એ જોઈએ. ભાવને અધ્યવસાય કહેવાય છે. અધ્યવસાય બે પ્રકારના ,શુભ અને અશુભા શુભ અધ્યવસાયની કેટકેટલી અસરો નીપજે ? (1) શાતા-અશાતા, યશ-અપયશ, ઉચ્ચકુળ-નીચકુળ વગેરે લાવનાર પુણ્ય-પાપકર્મના જોડકા છે. શુભ ભાવના લીધે એમાંથી શાતા, યશ, ઊંચકુળ વગેરે પુણ્યકર્મનો બંધ પડે છે, પુણ્યકર્મ બંધાય છે. (ર) બંધાતા પુણ્ય કર્મમાં, એના હરિફ પાપકર્મ જે પૂર્વે બંધાઈ પડ્યા છે. એમાંથી કેટલાક પાપકર્મના સંક્રમણ થાય છે, ને એ સંક્રમિત પાપકર્મ હવે પુણ્યકર્મનું કામ આપશે. દા.ત. બંધાતા શાતા વેદનીય કર્મમાં કેટલાંક પૂર્વબદ્ધ અશાતા વેદનીય કર્મનું સંક્રમણ થયું તો હવે શાતારૂપ બની જાય છે ! (3) શુભ અધ્યવસાયથી પૂર્વે બંધાયેલ પાપકર્મની સ્થિતિ રસ તૂટે છે, મંદ બને છે, આને અપવર્તન કહે છે. જૈન ધર્મનું અજોડ કર્મ વિજ્ઞાન
