________________
૧૧૨૬
બત્રીશીના સથવારે-કલ્યાણની પગથારે-૮
એટલે કે સર્વજ્ઞ ભગવાન્ તો જે પોતાના જ્ઞાનમાં જોયું હોય તે જ કહેતા હોવાથી એ અન્યથા હોતું નથી.
આમ ધર્મસંન્યાસ નામના પ્રથમ સામર્થ્યયોગને જણાવ્યો. હવે યોગસંન્યાસ નામના બીજા સામર્થ્યયોગનો અવસર છે. આ બીજો સામર્થ્યયોગ આયોજ્યકરણ પછી આવે છે. કેવલજ્ઞાનરૂપી ઉપયોગથી અચિંત્યવીર્યના પ્રભાવે ભવોપગ્રાહી કર્મોને એવી રીતે ગોઠવવા કે જેથી ક્રમશઃ એનો ક્ષય થઈ શકે. આ રીતે ગોઠવીને એના ક્ષયમાં એને પ્રવર્તાવવા એ આયોજ્યકરણ છે. શૈલેશી અવસ્થા એનું ફળ છે. કારણ કે શૈલેશી અવસ્થામાં કાયયોગ વગેરેનો સંન્યાસ થવાથી સર્વ સંન્યાસસ્વરૂપ અયોગ નામના સર્વોત્તમ યોગની પ્રાપ્તિ થાય છે.
આમ યોગના વિવેકને સ્પષ્ટ કરવા યોગના ઇચ્છાયોગ વગેરે ત્રણ અવાંતર ભેદો આપણે જોયા. હવે આ જ યોગના અન્યવિવક્ષાથી તાત્ત્વિક અને અતાત્ત્વિક એવા બે અવાંતર ભેદોને આપણે આગામી લેખમાં જોઈશું.
આત્મામાં એક ડોકીયું કરો કે ખરેખર મને પુદ્ગલાતીત અવસ્થાની ચાહના પેદા થઇ છે ?
