________________
મુ. શ્રી સંયમકીર્તિવિ.ની વાણીનો અસંયમ
પ્રશ્નઃ સ્વ.પૂ.પં.પ્રવર શ્રી ચંદ્રશેખરવિ. ગણિવરના ધાર્મિક વહીવટ વિચાર પુસ્તક અને એમાં આપશ્રીના બે પરિશિષ્ટ વગેરે સામે મુ. શ્રી સંયમકિર્તિવિજયજીએ “ધર્મદ્રવ્યની શાસ્ત્રીય વ્યવસ્થા અને અશાસ્ત્રીય વ્યવસ્થા સામે લાલબત્તી' નામનું એક બહુ જ મોટું પુસ્તક અને એનું લઘુ સંસ્કરણ બહાર પાડ્યું છે. એ અંગે આપશ્રીએ શું કહેવું છે?
ઉત્તર : એમના લાંબા લાંબા લખાણો (પ્રલાપ) અંગે મારે શું કહેવું છે? એ વાત પછી, પહેલા એમના જ સમુદાયના આશ્રી ચંદ્રગુપ્તસૂરિ મ. શું કહે છે તે જોઈ લઈએ.
અમારા એક બિહારી પંડિતજી હતા. તેઓ વ્યાકરણના પ્રખર અભ્યાસી હતા. ન્યાયશાસ્ત્રમાં તેમનો અભ્યાસ સીમિત હતો. પછી એક બીજા એવા જ પ્રકાંડ પંડિતજી આવ્યા. તેઓ ન્યાયશાસ્ત્રના પ્રખર અભ્યાસી હતા. પેલા પંડિતજીની ન્યાયશાસ્ત્રની ખામી ખુલ્લી કરવા તેમણે બધા મહાત્માઓની સમક્ષ તે પંડિતજીને ન્યાયશાસ્ત્રના ગહન પ્રશ્નો પૂછવા માંડ્યા. પેલા પંડિતજીને માટે આજીવિકાનો પ્રશ્ન હતો. પોતે ન્યાય નથી જાણતા તેનો મહાત્માઓને ખ્યાલ આવે તો મહાત્માઓ તેમને બદલે આ નવા પંડિતજીને રાખી લે એવું બનવાનું હતું. તેથી તેમણે આ નવા પંડિતજીના ન્યાયના પ્રશ્નોના જવાબમાં વ્યાકરણના ઉચ્ચ ગ્રંથના લાંબા લાંબા ફકરા ઉચ્ચ સંસ્કૃતમાં બોલવા માંડ્યા. પોતાના પ્રશ્નના આવા અસંબદ્ધ જવાબથી ઉશ્કેરાઈને નવા પંડિતજી “એ ય, આ શું બોલવા માંડ્યું છે ?” એમ બૂમો પાડવા લાગ્યા. એમની બૂમોના જવાબમાં પેલા પંડિતજીએ વળી વધારે
