Samyakdarshan ane Aatmshakti

Author(s): Mumukshu
Publisher: Rasikbhai Shah

Page 62

અનન્યપણે બહુ ભોગોને પામે છે. અને આ લોકમાં સર્વદા સર્વ સત્પરૂષોનો પૂજય બને છે. ખરેખર સત્યથી શું બીજું કોઈ ચડિયાતું વ્રત છે ? (૭૭)
અચૌર્યવ્રત - આ ઉગ્ર અચૌર્ય આ લોકમાં રત્નોના સંચયને આકર્ષે છે. અને પરલોકમાં પણ અનન્ય સુખનું કારણ છે તેમજ કર્મ કરીને મુકિતમાં સુખનું કારણ છે. (૭૮)
બ્રહ્મચર્યવ્રત - હે કામ પુરુષ ! જો તું મનમાં શારીરિક સ્પર્શના સુખને સ્મરે છે, તો મારા વચનથી તને શો લાભ થશે ? (આચાર્યશ્રી આમ કહે છે. આગળ કહે છે કે -અહો ! આશ્ચર્ય થાય છે કે સહજ પરમતત્ત્વને, સહજ આત્મસ્વરૂપ એવા નિજસ્વરૂપને છોડીને તું શા કારણે વિપુલ મોહને પામે છે ? (૭૯).
સંસાર સ્પષ્ટ પ્રીતિથી કરવાની ઈચ્છા થતી હોય તો તે પુરુષે જ્ઞાનીનાં વચન સાંભળ્યાં નથી; અથવા જ્ઞાની પુરૂષના દર્શન પણ તેણે કર્યા નથી, એમ તીર્થકર કહે છે. (પત્રાંક-૪૫૪)
શબ્દાદિ પાંચ વિષયની પ્રાપ્તિની ઈચ્છાએ કરી જેમાં ચિત્ત અત્યંત વ્યાકુળપણે વર્તે છે એવા જીવોનું જ્યાં વિશેષપણે દેખાવું છે...તેને વિષે વિહ્વળપણું જેને પરમાર્થને વિષે નથી થયું. ચિત્ત વિક્ષેપ પામ્યું નથી. સંગે કરી પ્રવર્તનભેદ પામ્યું નથી, બીજી પ્રીતિના પ્રસંગે જેનું ચિત્ત આવૃત્ત થયું નથી, બીજા જે કારણો તેને વિષે જેનો વિશ્વાસ વર્તતો નથી. એવો જો કોઈ હોય તો તે આ કાળને વિષે બીજો શ્રી રામ’ છે. તથાપિ જોઈને સખેદ આશ્ચર્ય વર્તે છે કે એ ગુણોના કોઈ અંશે સંપન્ન પણ અલ્પ જીવો દૃષ્ટિગોચર થતા નથી. (૫.-૩૮૪) .
અપરિગ્રહવ્રત :- હે ભવ્ય જીવ ! ભવભીરુપણાને લીધે પરિગ્રહ વિસ્તારને છોડો અને નિરુપમ સુખના આવાસની પ્રાપ્તિ અર્થે નિજ આત્મામાં અવિચલ, સુખકાર તથા જગતજનોને દુર્લભ એવી સ્થિતિ, સ્થિરતા કરો. આ નિજાત્મામાં અચળ સુખાત્મક સ્થિતિ કરવાનું કાર્ય સંપુરૂષોને કાંઈ મહા આશ્ચર્યની વાત નથી. (૮૦)
આ રીતે મુકિતની સખી પરમ સમિતિના જાણીને જે જીવ ભવભયના કરનારા કંચન કામિનીના સંગને છોડીને, અપૂર્વ, સહજ વિલસતા અર્થાત સ્વભાવથી પ્રકાશતા અભેદ ચૈતન્યમાં સ્થિર રહી સમ્યપણે