________________ કંડિકાઓ) (1) અધ્યાત્મરસ એ જગતના બધા રસો કરતાં સર્વોત્કૃષ્ટ છે. (2) અધ્યાત્મરસના પાનથી સંસારના સંતપ્ત જીવો પરમ તૃપ્તિ અનુભવે છે. (3) જેઓ સ્વાનુભવરૂપે સાક્ષાત્ પરિણમ્યા છે, એવા સંતોનો સાક્ષાત્ સમાગમ મળ્યો. એમના ચરણોની સાક્ષાત્ ઉપાસના મળી અને એમની વાણીનું સાક્ષાત્ શ્રવણ મળ્યું, એનાં કેવા ધન્ય ભાગ્ય ! અધ્યાત્મતત્ત્વના જિજ્ઞાસુને અંતરમાં વૈરાગ્ય અને કષાયની મંદતા તેને જ આત્મસ્વરૂપની જિજ્ઞાસા જાગે. જો સ્વભાવની પરિણતિ પ્રગટ કરીને સાથે ન લઈ જઈશું તો આ જીવનમાં શું કર્યું? હે જીવ! તારા અનંત ગુણો જ તારા સદાયના સાથીદાર છે. તે જ દુઃખથી તારી રક્ષા કરનારા અને સુખ આપનારા છે. રાગ તો તારો વિરોધી છે. એ તને સુખ આપનાર નથી, પણ દુઃખ આપનાર છે. માટે તેનો સાથ છોડ, ભેદજ્ઞાન વડે એને પારકો બનાવ; અને તારા અંતર્મુખ સ્વગુણોને પોતાના બનાવીને તેનો સંગ કર તો એ તને પરમ આનંદ આપશે. (6) આત્માના સ્વભાવનો જેને રંગ લાગે છે ને પરભાવની વાત પારકી લાગે છે, આવો જીવ પરભાવોથી જુદો પડી શુધ્ધ સ્વભાવને અનુભવે જ છે. (7) મુમુક્ષુને તો પરભાવમાં થાક લાગે ને સ્વભાવ સાધવામાં પરમ ઉત્સાહ જાગે. (8) શુધ્ધ વસ્તુની અનુભૂતિ નિર્વિકલ્પ છે, વિકલ્પક એનાથી બહાર છે.
