________________
ભીતરમાં ડૂબેલ એ જ્ઞાનિપુરુષ... નથી એને પોતાનાં વસ્ત્રોનું ભાન, (જોકે, ‘પોતાનાં’ શબ્દ અહીં ખટકે એવો છે. એવા શિખરપુરુષ માટે પોતાનું એટલે આત્મગુણો... એ સિવાયનું બધું તો પરાયાના ખાનામાં જશે.) ન દેહનું ભાન. ન બહારની દુનિયાના શિષ્ટાચારોનો ખ્યાલ...
અને, તમે આ બધાથી બેપરવા બનો નહિ, ત્યાં સુધી ભીતર ઊતરી પણ કેમ શકો ? તમારી દુન્યવી ચતુરાઈ જ તો તમારી સાધનાધારામાં અવરોધ પેદા કરે છે ને !
‘જગ જાણે ઉન્મત્ત ઓ.' કોઈ ભક્તપુરુષ પ્રભુનાં દર્શન માટે વલખતો હોય, વિલપતો હોય, આક્રન્દ્તો હોય; સામાન્ય જનને આ વાત કઈ રીતે સમજાય ? એને તો એ પાગલ જ લાગશે.
ફૂટપટ્ટી જ ખોટી છે; પછી જે માપ નીકળશે તે ખોટું જ હોવાનું. અને એથી જ્ઞાનિપુરુષ આ ફૂટપટ્ટી પર ક્યારેય આધાર રાખતા નથી. ‘ઓ જાણે જગ અંધ...’
અને એટલે -
‘જ્ઞાનીકું જગમેં રહ્યો, યું નહિ કોઈ સંબંધ...'
પ્રભુ સાથે સંબંધ જોડાયો, દુનિયા સાથેનો સંબંધ તૂટ્યો...
આપણા માટે સૂત્ર આમ ખૂલે : દુનિયા જોડે સંબંધ તોડીએ, પ્રભુ સાથે
સંબંધ બંધાશે.
સમાધિ શતક ૨૯
